عارف
لما يبقى حلمك قدامك ومش شايفة ...النور موجود وانت شايف طريقك ضلمة ...حياتك بإيديك ومش بإيدك...بتمر الثوانى زى الساعات ...حزنك هو حياتك مع ان فرحك قدامك
عارف
لما تكون ماشى فى طريقك وفى نفس الوقت واقف مكانك .... لما تكره كل حاجة وانت حابب كل حاجة .... لما يكون النهار زى الليل .... والبرد زى الحر
عارف
لما يكون الدمع هو ونيسك مع ان الضحكة فى عنيك ..... لما يكون الحنان قدامك ومش شارب منه .... لما القمر يساوى الشمس .... والجوع هو الشبع
بتكون عايش فى العدم والامل جواك انكسر مع حلم اندثر فى ليل عليل من غير فجر قريب هو ده حالى فى زمن مالوش امان قدره نكون وسط العذاب واحنا شايفين الجنة هناك ولا يوم بنحاول نكسر الشباك وننط السور خايفين من النور
هناك 25 تعليقًا:
الله فضفضة جميلة جدا
مش عارفة ليه حسيت بكلامك وكأنك عصفور سجين مع أن باب القفص مفتوح
بس هو مش قادر يخرج
أو خايف يخرج..
مع أن الطبيعة وجميع الطيور خارج القفص ينتظرونه بلهفة
ولكن اليأس قد كبل جناحاته
فلم يعد يملك المقدرة على الطيران
ولا التحليق بعيدا عن القفص
وكأنك السجين والسجان معا
مررت بتلك الحالة أيضا
ولكن ما ينقصك الآن هو الجرأة والشجاعة على معاودة الطيران من جديد
خاصة وأن أجنحتك قد أصابها الخمول فهي لم تمارس الطيران فترة طويلة
حاول وستنجح بالتاكيد
وأتمنى لك التوفيق دائما
تحياتي
ليس شعورك وحدك
هذا الحزن الدفين هو شعور انسان العصر بامتياز
اتمنى لك كل التوفيق
ريما الشيخ
عارف يا هيثم
كان في واحد مجنون كده اسمو البير كامو كان بيقول ان سر معاناة الانسان في دنيته هي ايه ؟؟
قدام عنيه دايما بيشوف الحاجة الاحسن اللي كان ممكن يبقاها ، والحياة الاجمل اللي كان ممكن يعيشها ، والناس الاجمل اللي كان ممكن يكونوله دايما ، رغم انه ممكن يكون وضعه الحالى كويس ، بس مجرد انه يلمس وضع احسن لفترة من الوقت ولو قليلة جدا ، ساعتها الوضع الحقيقي ليه بيبقى صعب ومستحيل ..
هو الراجل المجنون ده اللي بيقول مش انا
بس اقولك سر
انا مجنون زيه ومصدقه جدا
بسم الله الرحمن الرحيم
جميلة مدونتك يا هيثم وجميل ان تفضفض عن ما يدور ليس بنفسك فقط بل بنفوس كثير من البشر أسمح لي أن أشارك في الفضفضه
_من الصعب أن نعيش في غربه بين الاهل والاصدقاء
_من الصعب أن نعيش شمعه تنور لمن حولها وتحترق ولا أحد يشعر بها تحترق لتنور حياة الآخرين حتى تذوب وتنتهي هباء
من الصعب أن تعطي من الحب والحنان ولا تجد من يحتويك ويغمرك بحبه الصادق تعيش لتعطي ولا تأخذ!
_من الصعب أن تضحك وتعلو ضحكاتك هنا وهناك وصرخه بصدرك لا يسمعها غيرك
_من الصعب أن تمسك بقلمك وتتخيله شريان قلبك تكتب به كلمات الشعر والحب
وتجد من يقتحم خلوتك ويكسر بقلمك وتجد ويوقف نبض كلماتك وتجد نفسك قد انحرمت من كل شيء حتى بوح قلبك
_من الصعب ان تأخذ كل من حولك بأحضانك ولا تجد حضن بدون أشواك
يأخذك اليه
_من الصعب أن تنام العين قبل أن ترسل دمعها على وساده الصبر والكتمان
أشكرك..
أمنياتي الخالصه بالتوفيق.
فضفضة !!
حزينة ومؤلمة وكانك تبحث عن شئ بين يديك ولا تملكه
يا ابن النيل حاول تقوى وتتغلب على ما يؤلمك
واجعل حب الله هدفك وقوتك
ربنا يوفقك
رمضان كريم
شهرزاد
وكأنك السجين والسجان معا
نعم فانا السجين وانا السجان ولكنه سجن لا فرار منه لاعتبارات عدة
سجنى هو سجن فروق الاجيال وما بينها
تحياتى لاجمل شهرزاد
ريما الشيخ
مرحبا بيكى فى زيارتك الاولى التى اتمنى الا تكون الاخيرة
نورتى
احمد سلامة
تعرف انا مع الراجل ده ومصدقه جدا بل هو فى قمة العقل واستحاله يكون مجنون
تحياتى واتمنى انك متكونش زعلان منى علشان مش جيت بس انت عارف
نسمة احمد
اول مرة تشرفينى على البلوجر وده شرف كبير ليا زاده مشاركتك الجميلة فى الفضفضة
تحياتى
نهر الحب
دائما يكون الهدف الاسمى هو حب المولى عزوجل لكن دوما ما تكون هناك اشياء فى حياتنا لها دور فى امدادنا بالطاقة او سحب تلك الطاقة ومن ثم الانهيار
تحياتى
هيثم
اولا افتقدناك في حفل التوقيع جداا
ثانيا لية كل ما واحد ممنا يخرج من حالة حزن يدخل واحد تاني فيها
كأنها عدوي
فضفضتك في الكثير مما نريد قولة لكن لا حيلة لنا سوي التكيف مع واقعنا والحلم بغدا
اياك ان تفقد الحلم
تحياتي
وومن
هيا عدوى فعلا لكن تعرفى ان عدم حضورى حفل التوقيع هو اللى كشفلى حاجات مش كانت ظاهرة قوى بس عرفت يعنى ايه تكون مستقل فى حياتك وتكون قراراتك بإيديك مش يإيدين حد تانى حتى لو كان الحد ده ابوك
تحياتى
مفيش حاجة هتنكسر أو انكسرت
وبكره هتفتكر الحالة دي
وفضفضتك دي وتضحك
هتعدي وقريب بإذن الله
فضفضتك كلها صدق ولكن
زي ما أنا متأكد إنها بإذن الله
فترة وهتعدي وكل حاجة هتبقي بإيدك
وهتكسر الشباك وتنط السور
وتقول أخويا ضياء قاللي :)
diyaa
اكيد حالة وبتعدى بس لازم تعدى على كل انسان علشان يقف ويراجع نفسه ويشوف هو ماشى فى اى طريق
تحياتى ضياء
بكرة تلاقى شمس يوم جديد تطل عليك
و يشتاق قلبك للفرح و للامل يناديك
و تنسى هموم و شجون كانت حواليك
و وقتهااوعى تنسى تجى تفضفض لمحبيك
هيثم بص لبكرة متبصش لامبارح و لا النهارده
و ارمى حمولك على الخالق هيساعدك
و ارضى ضميرك و قلبك
ربنا معاك
قوس قزح
امبارح كان وعدى وانهارده لسه معانا بحلوه ومره اما بكره فهو اللى جاى
ميرسى قوى على كلامك اللى بيخفف عليا كتير وفعلا طول ماحوليا ناس زيكم اكيد هكون احسن
تحياتى
عارف فى اخر الطريق لو محاولتش تبص على شعاع امل
يبقى العيب فيك يا صديقى فتح عنيك علشان تشوف النور امحى الضلمه اللى حوليك
appy
وشك حلو عليا قوى انا خرجت من الحالة اللى انا فيها بسببكم وبسبب تعليقاتكم الجميلة اللى ادتنى الامل من تانى فى الحياة انا جاى بكرة اتمنى اشوفك
تحياتى
بلوج مش هقدر اقولك غير انها رائعة الجمال
ويبدوا ان صاحبها شخصيتة منظمة
مشكور ع البلوج
وع البوست المتميز !!
StEEl BeaUtY
ميرسى قوى على رأيك وشرفتينى فى اول زيارة ليكى
هيثم القمررررر عامل اية
يارب تكون بخير يارب
كل عام وانت بخير وبصحة
وكل اسرتك بخير يارب
ربنا يحقق كل آمالك ودعواتك
وصيامك وقيامك
آلقاك فى عالم الدوين
بعد رمضان ان شاء الله
رمضان كريم
رندا
ياااااااااااه
تصدق اني عارفة اوي
اوي يعني
راندا
كل سنة وانتى طيبة
ميرسى قوى على دعائك
ربنا يتقبل منا ومنك
ولو انها فترة بعيدة قوى عليا بس هستناكى
شرفتينى
ايه مش هنا
نورتى وكل سنة وانتى طيبة
كلامك وجعنى يا جميل .. بجد حسيتك اوى ..بس هنعمل ايه ..مفيش فى ايدينا غير نحلم ..نحلم بدل ما نموت
منونة
انا ليا مدونة على قدى اتمنى تدخل وتقوللى رايك
http://www.nabadat1810.blogspot.com/
إرسال تعليق