muah

MyHotComments.com

ابحث معى

2‏/9‏/2008

عدينا اول يوم فى رمضان

انهارده تانى يوم من رمضان ياترى عملنا ايه فى اول يوم حياتنا اتغيرت ازاى ايه اللى ضفناه وايه اللى افتقدناه .
انهارده واحنا بنبدأ يومنا الجديد حاسبنا نفسنا على اول يوم ولا لسه .
ياترى اللى اتغير فينا مظاهر يعنى شكلنا لبسنا طريقة تعاملنا ولا اتغيرنا تغيير حقيقى يستمر لبعد رمضان .
كلنا بنفتكر رمضان بالصيام والالتزام بالصلاه لكن رمضان عمره ما كان كده رمضان عادات فيها الكويس اللى نتمنى انه يستمر طول السنة زى صلة الرحم والمودة وفيها الوحش اللى نتمنى اننا منشوفوش تانى لا فى رمضان ولا غيره زى الكسل .
علشان كده كل واحد فينا لازم يقعد مع نفسه ويشوف رمضان بيمثله ايه لو بيمثله حاجة كويسة يلتزم بيها طول السنة لو شئ مش كويس ياخدها فرصة انه يقلع عن الشئ ده .
ياريت لو كل حد مزعل حد منه زى الحبيب اللى مزعل حبيبه والصديق اللى مزعل صديقه والاخوات اللى زعلانين من بعض يتصالحوا وميكونش علشان خاطر رمضان وبس لأ لانه ده حق عليك من عند ربنا حق الاخوة والصداقة حق الابوة والامومة حق الحبيب وحق الابناء حق الزوج والزوجة كلها حقوق بنناسها باقى السنة الافى رمضان طيب ليه متكونش طول السنة .
اللهم تقبل صيامنا وقيامنا . اللهم إهدينا للخير اجمعين . اللهم جمع كل بعيد وقرب كل قريب . اللهم اعنا على طاعتك
قولوا معى آمين

هناك 14 تعليقًا:

هيثم الكاشف يقول...

امين يا هيثوم و يسمع منك ربنا :)
هو رمضان بقي يبقي أول يومين صعب و الباقي يبقي في الطبيعي :>
و كل سنه و انت طيب

نهر الحب يقول...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

Soooo يقول...

اللهم امين يارب

كل سنه وانت طيب ورمضان كريم يابو الدهشنه

وجهز نفسك عشان قريب هنعمل فطار جماعي ونشوفلنا مائدة رحمن تلمنا كلنا




سلامووووووووووز

appy يقول...

اللهم امين
كل سنه وانت طيب يا هيثم وبخير وبعقلك

وومن يقول...

هيثم

كل سنة وانت بألف خير وصحة كل سنة واحنا كلنا طيبين

يارب تقبل صيامنا وصلاتنا ودعائنا اللهم آمين

مصــــري يقول...

كل سنة وانت طيب ياهيثم.

وان شاء الله ننجح في التغيير.

وشكراً علي النصايح الجميلة دي.

تحياتي
أسامة

هيثم الدهشان يقول...

هيثم الكاشف

هيثوم ايه اخبارك واحشنى ياد

وانت طيب وبكل خير وسعادة

هيثم الدهشان يقول...

نهر الحب

آميييييييييييييين يارب

كل سنة وانتى طيبة

هيثم الدهشان يقول...

soooo

سو حبيب قلبى ايه اخبارك

ماشى هحاول اجى بس اوعى تكون انت الشيف


كل سنة وانت طيب

هيثم الدهشان يقول...

appy

كل سنة وانتى طيبة وبخير وسعادة

هيثم الدهشان يقول...

وومن

ربنا يتقبل ان شاء الله

كل سنة وانتى طيبة

هيثم الدهشان يقول...

مصرى

اسامة ايه اخبارك مع رمضان ياريس

كل سنة وانت طيب

شهرزاد يقول...

كل سنة وانت طيب
رمضان كريم
وللأسف هناك ناس تتغير عاداتهم وعباداتهم في هذا الشهر فقط وبقية السنة تقل عباداتهم ويعودون لعاداتهم السيئة

ألف تحية

هيثم الدهشان يقول...

شهرزاد

كل سنة وانتى طيبة
الله اكرم

ادينا بنحاول نغير ياريت لو يكون حد عنده دم ويستمر

تحياتى

بحث مع دليل المدونين المصريين