muah

MyHotComments.com

ابحث معى

20‏/8‏/2008

النيل هيرقص معانا

كتبت نحلم ايام زمان
وانا لسه بحلم بدا اليوم
واهو خلاص اتحقق الحلم
قولت طول ماحنا عايشين
اكيد هنكون قادرين
وقالولى اكيد هنكون قادرين
بس تيجى لينا الفرصة
واهى جت وابتدت بمشروع وطن
قولنا فيه احنا مين
احنا اللى جاى احنا الامل
انهارده مصر فى قطعة جاتوه
حلم موجود فى ايدينا
بس ياريت لو الجاتوه
من غير شيكولاته
اصلها لونها غامق
بلون ايام زمان
لكن دلوقتى الجاتوه بقاله طعم بلون
فاتح بلون الحلم والنيل
النيل اللى بيجرى جنبينا فرحان
بولاده فرحان بالحلم
............
حلمت وكتبت
حلم معايا كتير
قالوا انتوا مين
قولنا احنا الولاد السمر الشداد
احنا البنات ام الضفاير
احنا اللى جاى
احنا ولادك يا ارض النيل
يا أمى وام المصريين
احنا ولادك يا مصر
احنا الناس اللى فى الوادى
واللى تحت الجبل
احنا ولادك يا مصر
............
حلمنا وحققنا الحلم
ومش هنبطل نحلم
طول ماحنا عايشين
ولا هيموت الحلم جوانا
طول ماحنا قادرين
مبروك لكل اللى حلم حقق الحلم مبروك لكل مصرى لسه جواه امل انه يكون مبروك لينا الامل فى دنيا من غير الامل

هناك 15 تعليقًا:

أحمد سلامــة يقول...
أزال المؤلف هذا التعليق.
أحمد سلامــة يقول...

ولانك انسان جميل يا هيثم
فـ مش هيكفيك اي كلام شكر
بس انا عاوز اقولك ان لولا حاجة بسيطة جميلة كبيرة زي دي
مكنش الكتاب ينجح ولا يكون بالشكل ده
دمت بكل خير يا صديقي

نونو يقول...

كلامك جميل وطالع من القلب
وبيدخل القلب احيييييييك جدا
اروح بقى اقرة باقى بوستاتك لانها واضح انها حلوة جداااا
دومت مبدعااا

شهرزاد يقول...

مبروك لكل من حقق أحلامه
تفاؤلك الجميل يسعدني دائما
ويارب تحقق كل احلامك وأحلام الشباب وتاكلوا جاتوه بطعم الفرح والأمل والسعادة والتوفيق

بس أنا بحب الجاتوه بالشيكولاته

ألف سلام وتحية

هيثم الدهشان يقول...

احمد سلامة

حبيب قلبى اشكرك من كل قلبى على كلامك الحلو ده
ومعلش اوعى تكون زعلان منى لانى نكدت عليك على الصبح بس لو تعرف ظروفى هتعذرنى قوى بس ان شاء الله هحاول اجى حتى ولو ساعة واحدة من الحفلة

شرفتنى

هيثم الدهشان يقول...

نونو

ميرسى للتعليق وتشريفك ليا لاول مرة

هيثم الدهشان يقول...

شهرزاد

اللى منورانى دايما ربنا يبارك فيكى ويسمع منك

طبعا كلنا بنحب الجاتوه بالشيكولاته بس فى اليوم ده ممنوع الغوامق لازم كله يبقى فاتح ولا ايه

شرفتينى ونورتينى يا احلى شهروزة

slamyasa7py يقول...

الله عليك يامتالق الكلام عن مصر يفرح ربنا يخليك للى بيحبوا مصرر

هيثم الدهشان يقول...

salamyasa7py

سارة شرفتينى فى اول زيارة يا بنت بلدى

ميرسى قوى على كلمتينك الحلوين دول


تحياتى

Diyaa' يقول...

كلام جميل طالع من قلب معجون بطمي النيل وبنقائه ويا رب كل أحلامك تبقي حقيقة قريب يا هيثم
أخوك ضياء :) ودمت جميل

نهر الحب يقول...

كلماتك جميلة
بها عطر النيل واهله
وسمرة شبابة
وجمال بناتة
سلمت اناملك

مصــــري..!! يقول...

أخي هيثم

طب مادام متحمس قوي كده ما جيتش ليه.
لعل المانع خير.

زعلت أوي انك ماجيتش.

تحياتي
أسامة

هيثم الدهشان يقول...

diyaa

ربنا يسمع منك

نورت

هيثم الدهشان يقول...

نهر الحب

ميرسى قوى لكلامك الجميل


شرفتينى

هيثم الدهشان يقول...

مصرى..!!

اسامة معلش مقدرتش اكون موجود لظروف خارجة عن ارادتى


تحياتى

بحث مع دليل المدونين المصريين