muah

MyHotComments.com

ابحث معى

3‏/8‏/2016

دنيا دوارة

اهى ناس بتيجى وتروح
ومين بكره عليه الدور
ده اليوم كان معاك فيه الروح
وبكره مش مصمون مين يروح
واهى ناس بتعدى شايلين
وبكرة بيعدوا متشالين
مين يفكر ويفهم
ولا لازم يجى عليه الدور
يالا م هى ناس بتيجى وتروح
ودنيا بتدور عليك
وماشية من غيرك
بس اللى يعرف ان بكرة
الروح بتروح
وميبقاش
غير اللى عشت بيه
مهموم ولا مبسوط مش فارقه كتير
م هى دنيا دوارة وموقفتش يوم لغيرك
علشان تقف ليك
فكر ف بكرة اليوم اللى الكل مستنيه
وقولى ليه ايه عملت
يوم م هتقف وحدك لا اب ولا ام
لا اخ ولا اخت
و لا حتى ونيس غير عملك
فكر ف اللى قبلك هما فين
واللى اتشال انهارده شال مين قبله
م هى كده يوم شايل غيرك
ويوم متشال من غيرك
ظلمـــــــت واغتبـــــــــت
فكر يوم تتشال وتتساب وحدك
والضلمه حواليك من كل مكان
هتقول ايه اصل وقتها هيبقى وقت الحساب
قدام محكمة العدل اللى عمر م ليها محامى
غير نفسك وعمرك م هتتظلم فيها
اصله كتاب مكتوب
اهى ناس يتبجى وتروح ومين بكره عليه الدور
دنيا دوارة بتدور عليك وماشية من غيرك

31‏/7‏/2016

وزيرة الاستثمار وافلاس مصر

موضوع وزيرة الاستثمار وافلاس مصر + شوية نقاط سريعة محتاج افندها اكتر لاهميتها
1 - قرض النقد الدولي 3 شرايح كل شريحة 4 مليار , الاجمالي 12 مليار دولار
احنا هنسدد 8 مليار دولار السنة المالية الحالية 2016/17 من اجمالي ديوننا الخارجية البالغة 53.5 مليار
يعني الدين الخارجي هيزيد فى الاجمالي بمعدل 4 مليار دولار فقط مش 12
يعني لازم نحسب الدين المسدد والدين الجديد ونطلع الصافي
http://goo.gl/ZgbdiX
2 - تركيا ودبي اكبر امثلة لنجاحات فى المنطقة اعتمدت علي بيع اصول الدولة لتخفيف العجز والاستدانة من الداخل , وفى نفس الوقت الاعتماد علي الاستدانة الخارجية ,
هل عندك استعداد نبيع اصول الدولة عشان الاقتصاد يفوق ؟ ولا انت عايز تنمية ونهضة بدون مقابل ولا تنازل ولا تمن يدفع ؟؟ طب هل هما شافو اللى احنا شوفناه اخر 5 سنين عشان يضطروا لكدة ؟ اومال لو حصلهم اللى حصلنا كانوا عملو ايه ؟
اقرا العناوين دى
- أعطي برنامج الخصخصة في تركيا دفعة جيدة بعد تنفيذ عملية بيع لأكبر شركة توزيع للكهرباء في البلاد، وفقاً لصحيفة الفاينانشيل تايمز.
http://goo.gl/rR5kKg
- هذا فضلا عن أن تركيا تكاد تكون باعت كل ممتلكاتها التي تدر عليها دخلا في عهد العدالة والتنمية، ويقدر الخبراء الإيرادات الناتجة عن الخصخصة بنحو 50 مليار دولار.
http://goo.gl/Ab5zLH
- وقال وزير المالية التركي محمد شيمشك إن بلاده ستسرع وتيرة عمليات الخصخصة في الفترة المقبلة، إذ ستخصخص موانئ العام القادم.
http://goo.gl/XhuA0Z
- أفادت رئاسة إدارة الخصخصة، أن حجم ايرادات الخصصة في تركيا، خلال العام الماضي، بلغ 12 مليار لعام 2013 ... 4 اضعاف2012
http://goo.gl/jlkGfy
- فى2011/الموقع الرسمي لهيئة دعم وترويج الاستثمار التركية
حققت خصخصة الأصول المملوكة للدولة خلال الأعوام الستة والعشرين الماضية عائدات تجاوزت ٤٢ مليار دولار أمريكي
http://goo.gl/Ltxk2E
- تقرير عن سلبيات الخصخصة واثرها فى كارثة منجم صوما للفحم فى تركيا
http://goo.gl/Imn4YX
3 - فى ملف اَفاق اقتصاد دبي - الربع الاول 2016 من موقع مجلس دبي الاقتصادي
فى بند ايرادات موازنة دبي متقسم نوعين : ايرادات ضريبية وايرادات غير ضريبية
الغير ضريبية بتمثل 81% من الايرادات العامة
الايرادات غير الضريبية مكونة من 3 عناصر : رسوم وغرامات + عوائد الاستثمار + عوائد البترول
الرسوم و الغرامات بتمثل 93% من الايرادات الغير ضريبية او بمعني اصح بتمثل 78% من ايرادات دبي الاجمالية !!!
انت فاهم يعني ايه رسوم وغرامات تمثل مصدر دخل مدينة عالمية زي دبي ؟
التقرير : http://goo.gl/KDwX6e
انا ليه بقول كدة , لان الناس فاهمة الدنيا غلط
يعني مثلا يقولك عايزين نبقة زي دبي او تركيا او او او , انت يا فندم اصلا متعرفش الناس عايشة ازاي ولا تعرف الامور وصلت لايه ولا النهضة دى اتعملت فى مقابل تنازلات حجمها ايه وضغوطات علي الناس والاقتصاد
ولا انت عارف مدي قدرتك انت شخصيا واولادك واحفادك علي تحمل التنازلات والضغوطات دي , انت بتبص للجانب الحلو من الموضوع لكن مش عايز تدفع تمن اي حاجة
نعمل ثورة ونخرب البلد فى الطريق للثورة وبعدها منتظر الدولار يستقر !
نقولك خلاص بقة الثورة نجحت اهدا بقة واتلم عشان عجلة الانتاج , تروح نازل تتريق وكوميكس وتهريج
ايه لعب العيال دة وادمغة الاطفال دي ؟؟؟ هما دول الشباب اللى عايزين يمسكوهم مناصب فى الدولة ؟ دول مكانهم الملاهي يمسكو منصب قطع تذاكر بيت الرعب وكفاية اوي علي مستوي ذكائهم ميستحملش اكتر من كدة
- غير ان دبي بتعتمد اعتماد كلي علي الرسوم والغرامات , اعتمدت كمان علي بيع اصول الدولة واخرها اشهر معالمها السياحية فندق اتلانتس لسد عجز الموازنة اللى فعلا وصل لمستويات ممتازة تقترب من الصفر% , كذلك اعتمدت فى تمويل نهضتها علي الاستدانة بالدولار من جهات خارجية بنكية وتمويلية لحد ما وصل الدين الخارجي ل140% من الناتج الاجمالي لامارة دبي واحنا نسبتنا 16.5%
دبي نجحت فعلا فى انها تصنع من نفسها نموذج خليجي غير معتمد علي النفط ودة فى حد ذاته انجاز عبقري ,
لكن حياة شديدة الغلاء شديدة الصعوبة والقسوة واقتصاد مثقل بديون ضخمة لا تتوازي مع قدراته المالية والانتاجية
لدرجة انهم فى 2013 قدموا طلب اعادة هيكلة لجزء بسيط من ديونهم (25 مليار دولار= نص دين مصر الخارجي)
http://goo.gl/kL7Vr3
http://goo.gl/snSYMU
http://goo.gl/tK4LK3
http://goo.gl/czPFrt
http://goo.gl/1w5B0M
4 - دلوقتى انتو بتقولو ان مفيش مستثمر هيخش بلد الجيش فيها مسيطر علي الاقتصاد ؟ وعنده تريليون شركة وناهب ثرواتها وبيطفي السجاير في ودان العساكر ومستحوذ علي 1500% من الاقتصاد !
دة كلام جميل مع انه كلام ساذج وغير علمي عشان يؤخذ بيه بس هاخدك علي اد عقلك
وبغض النظر عن ان الجيش مش مسيطر علي 5% حتي من الاقتصاد
بس ازاي مفيش مستثمر هيخش البلد وتقرير الاستثمار العالمي التابع لليونكتاد فى الامم المتحدة الصادر عن سنة 2015/16 قال ان مصر زاد فيها الاستثمار بمعدل 49% ووصل لرقم 6.9 مليار دولار بدلا من 4.2 مليار دولار السنة السابقة للتقرير وانه افضل معدلاتنا منذ قيام الثورة ؟؟
البوست لتفاصيل اكتر عن التقرير : https://goo.gl/jfF2ox
التقرير مباشرة من الامم المتحدة : http://goo.gl/5NG883
ازاي تفوقنا علي العملاقين جنوب افريقيا ونيجيريا اللى خرجو من قايمة اكبر 5 دول جذباً للاستثمار رغم انهم مشافوش اللى احنا شوفناه اخر 5 سنين !!
هل حضرتك هتفهم اكتر من المستثمر الاجنبي وخايف علي مصلحته اكتر من نفسه ؟
يبني انت لو قولت الكلام دة لاي مستثمر هيقول عليك بالتاكيد انك مختل عقليا
اصل مفيش حد طبيعي ومحترم ومتعلم يدمر فى بلده كدة ويختلق اشاعات ويفترض واقع مش موجود اساسا وبيعمل كل المجهود دة ويترجم بوستات لطرد الاستثمار والسياحة لتسويق بلدان اخري زي تركيا علي حساب بلده اللى هو بردو عايش فيها هو واهله وهيفضل عايش فيها سنين طويلة اغلب الظن
يعني لو اطربقت هو هيخسر كتير وفى نفس الوقت يرجع يقولك شوفت الدولار وصل لفين
وهو نفس الشخص اللى كان بيساهم وبيتمني تدمير المصادر الدولارية كلها اللى اولها السياحة والاستثمار !
يعني خلي عندك شوية عقل قبل ما تتكلم الكلام التافه دة
وتلاقي اللى بيطلق الاشاعة دى خريج هندسة مثلا وال300 الف اللى شيرو منه تلت ارباعهم تعليم عالي!!! طب الحكومة معرفتش تعلمكم وقولنا ماشي , مسمعتوش عن حاجة اسمها انترنت ووصلة ب30 جنيه ويوتيوب وكورسات اونلاين ترفعوا بيها معدل الاي كيو بتاعكم شوية !
5 - بيقولوا ان الوزيرة المحترمة الوطنية المجتهدة اللى بتشتغل حرفيا وبدون مبالغة 20 ساعة يوميا وبتحارب فى مليون اتجاه عشان تساعد علي نهوض اقتصاد البلد دي
بيقولو انها طلعت قالت ان مصر هتفلس الاسبوع الجاي وثورة الجياع قادمة وانهيار الاقتصاد والانكلاب يترنح للمرة التلتلاف علي التوازي فى 3 سنين !
الكلام العاقل : فيه مؤشر اسمه Ease of Doing Business بيصدره مجموعة البنك الدولي
بيقيس مدي سهولة الاستثمار فى دولة ما ومكون من 10 عناصر
منهم العنصر رقم 5 - الحصول على الائتمان والعنصر رقم 10 - تسوية حالات الاعسار وترتيبنا فيه ال119
** شايف المؤشر الخامس(الحصول علي الائتمان)؟؟
مكون من عنصر اسمه مؤشر قوة الحقوق القانونية
المؤشر دة بيقيس اد ايه القوانين بتاعتنا بتقدم ضمانات وبتحمي حقوق المقترضين والمقرضين عند اعلان حالة افلاس شركة ما ، مما يؤدي بدوره إلى تسهيل عملية الإقراض.
دة ترتيبنا فيه 79 من 189 دولة
** وكمان المؤشر العاشر حالات الاعسار
دة المقصود بيه : ايه هى تشريعات واجراءات دولة ما فى حالة ان شركة ما تعثرت او واجهت مشاكل تصفية او افلاس ؟؟؟ هل فيه قوانين تحمي الملاك والمساهمين ؟؟؟ ازاي هيتم التسوية ؟؟؟
ترتيبنا فيه متأخر جدا
طب ازاي نرفع ترتيبنا ؟
اننا نحط التشريعات الناقصة , ف الوزيرة قالت بضرورة "وجود تشريعات تتعلق بالإفلاس والمستثمرين يطالبون بها ... وأوضحت خورشيد أن الوزارة مشغولة بالتشريعات الخاصة بالاستثمار واكدت وجود وحدة متابعة تنفيذ القرارات التي يعتمدها مجلس الوزراء لفض منازعات 400 حالة"
بالمناسبة : ترتيبنا فى التصنيف بشكل عام كان 106 فى 2010 ودة كان افضل ترتيب لينا علي الاطلاق , حاليا احنا 131
البوست الاصلي بتفاصيل اكتر : https://goo.gl/SNeJxA
المصادر مباشرة من مجموعة البنك الدولي : http://goo.gl/kqt1a4
http://goo.gl/rxaZdQ
http://goo.gl/soSuzY

8‏/1‏/2012

كان

كان ليا يوم حبيب

كان يوم هو الرفيق

عطيته القلب وكل الدرب

كان يوم قلبى

ما له غيره

وهبته الروح وعمرى

كان وكان وكان

يوم م خان

غاب منى الامان

بكت روحى غيابه

وليه م سكت غرامه

خلاص ...... خلاص

يا قلبى ده

كان وكان وكان

خلاص يا قلبى

خارج انا من حياته

وده القرار

حتى لو ببعده الانتحار

وليه اعشق

واحد ف غلطه

حتى رافض الاعتذار

كان ليا يوم حبيب

كان يوم هو الرفيق

عطيته القلب وكل الدرب

كان يوم قلبى

ما يشوف غيره

وهبته الروح وعمرى

كان وكان وكان

ف حياتى

هو النور

خلاص يا قلبى

ده جواه غرور

معرفش ليه بيحب

يكسر اللى ليه

كان عندى سؤال ليه

هو ليه مأمن قوى للدنيا كده

مهو بكره اللى عمله فينا

غيرنا هيخلصه فيه

كان ليا يوم ........

كان وكان وكان

4‏/10‏/2011

سألتها

سألتها ..... من انتى ؟
اجابت .... بصمت وسكون
سألتها ..... من انتى ؟
اجابت ..... انا !!!
سكون الليل
وحدة القمر
حدة الخريف
امطار الشتاء
هدوء الربيع
جنون الحياة
عطر الورود
هذا انا !!!
............................
سألتنى ... من انا ؟
اجبتها
رجل اوجعته الحياة
خانه الاصدقاء
غدره من ظنهم احباب
انتظر
الصفاء ... الحنان
الصدق ... الوفاء
فما اتوا
حتى لاقى عينيك
فهل ستكونين من انتظرته عمرى ؟
..............................
سألتها ...... أتقبلين حبى ؟
اجابت ..... من بعد سكون
افكر
...............................
سألتنى .... كيف تحبنى ؟
اجبتها
بصفاء القلب
بشجون الروح
بنقاء وطهر الوعود
بكل كيانى
انا ..... لكى
ابحث فيكى عن دواء لدائى
..........................
سألتنى .... أتنسى الماضى ؟
فأنت ميلادى
وعشق حياتى
هل تكون لى فقط
.......
اجبتها
هواكى .... عشقك ........ حنانك
هو ما احتاج اليه
فأنت
الماضى ..... الحاضر ..... ما هو آت
....................
ضمتنى لحضنها وهمست
اعشقك
يا من ملكت كيانى
ضممتها بكل شوقى وعشقى
سقيتها حنانى
صرت لها عشقا
ما قل فنجانه
وضعت بها روحى
فديتها بعمرى
ما يضنيها
كنت الحنان .... الامان
فانا الاب ... الام .... الولد
جعلتها ملكة بملكى متوجة
......................
غابت عنى شمسها
سألت عنها الليل
اجاب .... انا منها براء
عجبت لحال الليل
كيف براء ..... وهى سكونه وصفائه
ما علمت انها
خانت
وعود الهوى
باعت
عشق انضوى
سلمت حضنها لغيرى
فما كنت انا سوى
حرف
فى سطور صفحات
ما انطوت
قبلى ولا بعدى
...........................
فهل يا حب هذا هو الهوى ؟
كلا .... لقد عميت
عن شمس احرقنى لهوها
بوهجها
فما ذنب قلبى
تحرقه ... مل لم تره عينى
العشق ... الهوى .... الحب .... الصدق
مرادفات الخيانة الاربعة
فما هناك عليل
الا بجرحها
قد انكوى
سألتها .... اجابت
بصمت وسكون
هذا هو الهوى



9‏/11‏/2010

إليكى


تمر الايام وراء الايام

تتشابه الدقائق بالساعات

تزيد وحدتى

يرنو شوقى لغربتى

فلا حبيب يؤنسنى

ولا صديق يواسينى

فهكذا تمر الايام

تتشابه دقات الساعات

---------------------------

التقيت من بعيد عينيك

التقيت تلك السهام المخترقة

حواجزى

التقيت تلك النظرات المزلزلة

وحدتى

وظللت اسير تلك العينين

اواسى بهما وحدتى

حتى دون ان اعرفك

ولا حتى لقياك

بأمل لى

--------------------------

انتبهت لذلك النداء البعيد

المدمر عزلتى

انتفضت للقاء المستحيل

المؤنس وحدتى

انتفضت للقاء العينين

الآسرتين

والتهفت بشوقى نظرتين

------------------------

انكسرت من اليوم

وحدتى

غربتى

عزلتى

انطلقت الكلمات من الشفاه

مخترقه حواجزى

مزلزلة عرش قلب مكسور

انسابت تلك الكلمات

كموج بحر هادر

انطلق بى الى تلك الاعماق

التى طالما حلمت بها

استمتعت بوجودى غريقا

بتلك الاعماق المؤسرة

----------------------------

فمن اليوم تمر الايام

ولا تتشابه دقات الساعات

فتلك الدقائق

التى اكون بأعمق اعماقها

تمر بسرعة برق غادر خاطف

اضاء ظلمة العرش

لغمضة عين

وانطلق مغادرا

واظل منتظرا لقياها

اظل منتظرا غرقى بأعماقها

--------------------------

يوم وراء يوم

تمر دقائقهم كسنين

وتظل الظلمة قابعة

على العرش

تظل يمل منها القلب

وتبكى بها العين

فهكذا هو الانتظار

بحث مع دليل المدونين المصريين