كتبت نحلم ايام زمان
وانا لسه بحلم بدا اليوم
واهو خلاص اتحقق الحلم
قولت طول ماحنا عايشين
اكيد هنكون قادرين
وقالولى اكيد هنكون قادرين
بس تيجى لينا الفرصة
واهى جت وابتدت بمشروع وطن
قولنا فيه احنا مين
احنا اللى جاى احنا الامل
انهارده مصر فى قطعة جاتوه
حلم موجود فى ايدينا
بس ياريت لو الجاتوه
من غير شيكولاته
اصلها لونها غامق
بلون ايام زمان
لكن دلوقتى الجاتوه بقاله طعم بلون
فاتح بلون الحلم والنيل
النيل اللى بيجرى جنبينا فرحان
بولاده فرحان بالحلم
............
حلمت وكتبت
حلم معايا كتير
قالوا انتوا مين
قولنا احنا الولاد السمر الشداد
احنا البنات ام الضفاير
احنا اللى جاى
احنا ولادك يا ارض النيل
يا أمى وام المصريين
احنا ولادك يا مصر
احنا الناس اللى فى الوادى
واللى تحت الجبل
احنا ولادك يا مصر
............
حلمنا وحققنا الحلم
ومش هنبطل نحلم
طول ماحنا عايشين
ولا هيموت الحلم جوانا
طول ماحنا قادرين
مبروك لكل اللى حلم حقق الحلم مبروك لكل مصرى لسه جواه امل انه يكون مبروك لينا الامل فى دنيا من غير الامل
هناك 15 تعليقًا:
ولانك انسان جميل يا هيثم
فـ مش هيكفيك اي كلام شكر
بس انا عاوز اقولك ان لولا حاجة بسيطة جميلة كبيرة زي دي
مكنش الكتاب ينجح ولا يكون بالشكل ده
دمت بكل خير يا صديقي
كلامك جميل وطالع من القلب
وبيدخل القلب احيييييييك جدا
اروح بقى اقرة باقى بوستاتك لانها واضح انها حلوة جداااا
دومت مبدعااا
مبروك لكل من حقق أحلامه
تفاؤلك الجميل يسعدني دائما
ويارب تحقق كل احلامك وأحلام الشباب وتاكلوا جاتوه بطعم الفرح والأمل والسعادة والتوفيق
بس أنا بحب الجاتوه بالشيكولاته
ألف سلام وتحية
احمد سلامة
حبيب قلبى اشكرك من كل قلبى على كلامك الحلو ده
ومعلش اوعى تكون زعلان منى لانى نكدت عليك على الصبح بس لو تعرف ظروفى هتعذرنى قوى بس ان شاء الله هحاول اجى حتى ولو ساعة واحدة من الحفلة
شرفتنى
نونو
ميرسى للتعليق وتشريفك ليا لاول مرة
شهرزاد
اللى منورانى دايما ربنا يبارك فيكى ويسمع منك
طبعا كلنا بنحب الجاتوه بالشيكولاته بس فى اليوم ده ممنوع الغوامق لازم كله يبقى فاتح ولا ايه
شرفتينى ونورتينى يا احلى شهروزة
الله عليك يامتالق الكلام عن مصر يفرح ربنا يخليك للى بيحبوا مصرر
salamyasa7py
سارة شرفتينى فى اول زيارة يا بنت بلدى
ميرسى قوى على كلمتينك الحلوين دول
تحياتى
كلام جميل طالع من قلب معجون بطمي النيل وبنقائه ويا رب كل أحلامك تبقي حقيقة قريب يا هيثم
أخوك ضياء :) ودمت جميل
كلماتك جميلة
بها عطر النيل واهله
وسمرة شبابة
وجمال بناتة
سلمت اناملك
أخي هيثم
طب مادام متحمس قوي كده ما جيتش ليه.
لعل المانع خير.
زعلت أوي انك ماجيتش.
تحياتي
أسامة
diyaa
ربنا يسمع منك
نورت
نهر الحب
ميرسى قوى لكلامك الجميل
شرفتينى
مصرى..!!
اسامة معلش مقدرتش اكون موجود لظروف خارجة عن ارادتى
تحياتى
إرسال تعليق