muah

MyHotComments.com

ابحث معى

26‏/9‏/2008

( R-A-N-D-A)إهداء الى

فى الأول بعتذر لناس كتير على تقصيرى معاهم بس انا فعلا والله غصب عنى - عموما انا بقول لكل الناس كل سنة وانتوا طيبين خلاص العيد قرب وياريت محدش يكون زعلان منى بس بطلب منكم كلكم تدعولى ودلوقتى استكمالا للبوست اللى فات بهدى حاجة كده جت فى دماغى لاحلى واجمل وارق واحن حد قابلته فى حياتى كلها بهديها لراندا اللى بجد مش عارف اوصفها بايه مهما اتكلمت مش هعرف اوصفها بأى شئ ومن هنا بقولها ميرسى ليكى راندا ميرسى لكل حاجة بجد وبدعيلها وبدعى لكل الناس معاها ان ربنا يكرم الجميع ويسعدكم يارب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من زمان وانا وحيد
عدى عليا من الصحاب كتير
دقت نار الغدر والعذاب منهم كتير
واخترت ارجع وحيد
لما طال يأسى من قلوب بتخدع ولا بتحن
كل اللى فيها الغدر
وطال صبرى كتير ورضيت بالنصيب
لقيت القلب المليان بالحنان
بيرفرف على سمايا من بعيد
قربت وقرب هو كمان
وكانلى فيه الامان دلوقتى مبقتش وحيد
خلاص لقيت الحنان فى صاحب
خلاص مبقتش وحيد
فكرت اهديه حاجة وهديته كلمة لقيتها قليل
عدى الزمان وراح اللى فات
دلوقتى مبقيتش وحيد
لقيت الصاحب اللى بدور عليه
طول الزمان يكون هو الانيس
مش عارف لحد دلوقتى الاقى وصف
اوصف بيه الصديق
لو قلت هو الام والاب قليل عليه
وبعد الام ايه
عرفت معاه معانى كتير
لحب الناس والحنية الطيبة
احساس غريب كأنه احساس
الام للولد ولا الاخوات كمان
مش عارف الاقى وصف للصديق
بس عرفت معاه معانى كتير
عرفت انك مهما ضعت فى حياه
الغدر والزيف والحرمان
هتلاقى قلب صديق
يرجع بيك لبر الامان
هو الصديق الامان ومرايا
عمرها ما تخدع بمظهر ولا بالالوان
ولا بتغير من شكل الانسان
هو المكان والزمان
ده الصديق
مش اى انسان

هناك 8 تعليقات:

رندا يقول...

صديقى وابنى الوفى هيثم

لم استطع كتابة اى كلمة امام كلامك الذى ادخلنى دائرة الاخوة الحقيقية
فالصديق يعرف صديقة وقت الشدة فيفتح لة قلبة دون ان يطلب منة المبادرة باى سماع كلمة
فالصديق عندما يقدم اذنة لصديقة تكفى ان تبنا الصداقة
لاننا فى زمن عز فية السمع وعز فية اختيار الاصدقاء
صديقى هيثم
كم يشرفنى انى اكون صديقة وكم كسفنى جدا كلماتك الرائعة
لاننى لا استحق كم هذا الكلام

انت رائع ياهيثم وجميل جدا فالذى
لا يقدم لك اى شئ تكن لة كل احترام واخلاص فى المعاملة فهذا يدل على قلبك الجميل الرائع
تحلو الصداقة بصحبة الاخيار
فكرت كثيرا فى معنى الصداقة فوجتها بين كل الذين عرفتهم عن طريق الصدفة
التى لم اعمل لها اى حساب
فدخلت عالم التدوين وتصورت انى سوف اكتب وينتهى الامر بل وجت اجمل الاشخاص وابرئهم فقلبك جميل ياهيثم ابرء قلب لا يعرف اى حقد ولا اى غل يعرف شئ واحد فقط الطيبة والوفاء

مش عارفة ياهيثم ارد بمستوى البوست بتاعك ولا باى كلمة بجد انا فخورة بمعرفتى بشخص جميل زيك

ربنا يدوم المعروف يارب
ويحقق ليك كل السعادة يارب
وافرح بزواجك واشيل ولادك يارب
دة هيكون سعادة مابعدها سعادة والله

ربنا يفرحنى بيك يارب ويحقق ربنا ليك كل الى تتمناة
يارب يستجيب دعائى فى ليلة القدر

كل التقدير والاحترام ليك ياهيثم

رندا

Ehab يقول...

كلامك جميل قوي ومدونتك جميله وعاجبني قوي انك لما حسيت بطيبة حد كويس معاك وعرفت صديق طيب وده عمله نادره عرفت قيمته وقررت تحاول تقول عنه وتعرفنا بيه
واسمحلي اقولك انك اخترت شخصيه بعتز بيها جدا وليها عندي رصيد كبير قوي من المعزه والحب لأنها اختي الجدعه جدا والصديقه الطيبه الوفيه وامي كمان لولا اني مش عايز اكبرها في السن بدري كده
بس انا فعلا لمست فيها شخصيه طيبه وجدعه جدا
واسمحلي اقول انا كمان
كلام كان نفسي اقوله
عن حد انا عرفته وكلمته
وحكيت معاه وفضفضت احزاني
ورميت على اكتافه حملي واحزاني
وسمعني وفهمني
كلمني علمني
صبرني على حزني
نساني ايامي
خلاني بيها سعيد
وعرفت واتذكرت معاني كانت تايها
عني وعن فكري
انك يكون ليك اخت
جواها طيبة امك
وكمان حنان اختك
وساعات تشوف فيها صديق واخ وعم
كان نفسي اشكرها على كونها انسانه
بالخير وطيبة القلب راويانا من نورها
انا مش هاقول واحكي
على كل افعالها
لكن بأكدلك مهما هتوصفها وتقولها يا غالي
ما يكفي ابدا شعر ولا كلام من القلب
جمايلها ويانا
ربنا يسعدها ويحظها
اني احبها في الله
سلااااااااااااااااااام
اخوك ايهاب

Unknown يقول...

راندا

انا بجد مش عارف اكتب حاجة ارد بيها على الكلام اللى زى السكر ده بس اللى اقدر اقوله ربنا يخليكى لينا اخت غالية علينا وصديقة جميلة ويخليلنا قلبك الحنين .
ربنا يكرمك يارب ويسمع منك دعاكى ليا ليلة القدر انتى بجد دعواتك محتاجها قوى .

ربنا يديم كل شئ حلو وكل معروف وخير بينا يارب ويسعدك بخالد وسارة وان شاء الله انا وهما فى يوم واحد علشان تفرحى بعيالنا مع بعض

تحياتى لاجمل واحن قلب

Unknown يقول...

الشنكوتى الكبير

يااااااااااااااااه اخيرا ايهاب الشنكوتى بنفسه شرفنى دانا كده هاكتب كل يوم بوست عن راندا علشان اشوفك

ايهاب كلامك صحيح ومهما اتكلمنا وقولنا مش نقدر نوفيها حقها

ابقى طمنى على اخبارك يابنى دانا من وقت حملة التبرع ومش شوفتك تانى

كل سنة وانت طيب

شرفت ونورت

قوس قزح يقول...

انا فرحانة اوى بحالة الصداقة الحقيقة اللى بحسها بين المدونين و اللى فى اغلب الاوقات مش بتتعدى حوار عن طريق الكتابة

انا عرفتك و عرفت رندا
انت يا هيثم انسان قلبه طيب
انسان نقى زى ندى الصبح على اوراق الشجر

اما رندا مش هقولها غير انتى من اجمل كلمات حياتى

Unknown يقول...

قوس قزح

اكتشفت اخيرا ان التدوين ادى الفرصة لوجود صداقة حقيقة لا يشوبها الغدر والزيف ادى الفرصة لوجود اشياء موجودة بأنفسنا لكنها غير موجودة بواقعنا

بالفعل التدوين شئ رائع انه ادانى الفرصة لاكتساب تلك الصداقات

نورتينى وشرفنى قوى وجودك

قوس قزح يقول...

رضي الله عنك وأرضاك
وهداك وأغناك
وعافاك وشفاك
ووفقك لخير الدعاء
وأجاب لك الرجاء
وأحبك بلا ابتلاء
وجعلك ساعياً للخير
مؤثراً في الغير
وكل عام وانت بخير

شهرزاد يقول...

كل سنة وانت طيب
لك مني تاج تفضل بقبوله
ألف تحية

بحث مع دليل المدونين المصريين