muah

MyHotComments.com

ابحث معى

6‏/9‏/2008

مدونين فى حياتى

بوست كان لازم ينكتب من زمان عن مدونين فى حياتى غيروا فيا كتير اتأثرت بيهم ومنهم ناس وقفت جنبى فى حاجات كتير . اول حاجة هتكلم عليها الناس اللى اثرت فيا من بعيد يعنى من غير تدخل مباشر فى حياتى .

1- احمد الصباغ واحد من الناس اللى بعزهم قوى مع اختلاف الاراء حوله الا انى اعتز بيه جدا بحب قوى اقعد اتكلم معاه

2- نضال او توأمى زى ما فى ناس بتحب تسمينا يمكن لاننا شبه بعض فى حاجات كتير وقريب منى قوى

3- سووو بقفشاته اللذيذة ودماغه الصعيدية الا انه يدخل القلب بسرعة غريبة متعرفش ليه تحس انه قريب من كل حد

4- محمود الدوح بخفة دمه وبساطته يخليك تحبه بسرعة قوى

5- خالد همس الاحباب جدع وابن بلد قوى وقف جنبى فى القاهرة لما كنت بشتغل هناك وكنت بحب اروحله الكافيه بالليل ونقعد مع بعض نحكى

6- بابا ابوخالد بحس انه اكتر من والدى بسيط فى كلامه قريب مننا كشباب تحس بحنيته وفكره الجميل قوى بستفيد منه لما بنقعد نتكلم بحس بالحنان المفقود قوى لما يشوفنى و يضمنى فى حضنه

7- احمد على الحاضر الغائب دوما شخصية تجذبك عاشق لمصر جداااااااااااااااااااااااا يأسرك دوما حديثه ومجالسته

8- ولاد بلدى الاتنين بقى حماده زيدان وهيثم الكاشف عيال جدعان بصحيح بحب اقعد معاهم قوى يمكن الظروف بتبعدنا احيانا بس يا سلام لما نتقابل

9- آبى هانم بتنجانى بنوتة لذيذة تشوفها تحس انها شايلة الدنيا فوق دماغها لكن لما تتكلم تحس انك بتتكلم مع حد عنده 50/60 سنة

10- ميرا المرأة التى تحمل عقل الرجل خفيفة الدم وعقلها كبير قوى مع انك تشوفها تقول دى عيلة

11- داليا قوس قزح دماغها كبيرة قوى وطيبة قوى بحس انها تشبه لأختى بتحب تساعد من غير ما تستنى حاجة

12- شهرزاد مع انى لاشوفتها ولا اتكلمت معاها على الايميل الا انى بستنى كومنتاتها قوى لانها بتتكلم فى النقطة الصح وبحب اسلوبها قوى

13- فتافيت الكلام وحدتها زى وحدتى بحب اسمع منها واتكلم معاها

14- نهر الحب البورسعيدية اللى شدتنى دماغها وفكرها قوى فى المرة الوحيدة اللى قعدنا فيها مع بعض

15- نيجى لآخر حد وانا قصدت انى اخليه فى الاخر علشان يكون مسك الختام مش عارف اوصفها بايه اقول ماما ولا اختى ولا صاحيتى لأ دى حاجة كبيرة قوى راندا افضل من قابلته فى حياتى وقفت جنبى اول ماشوفها على الماسينجر بحب اجرى عليها واحكيلها على كل حاجة بحس بالراحة قوى وانا بحكى ليها وباخد رأيها فى حاجات كتير مش يعرف عنها حاجة حتى اقرب الناس ليا بثق فى رأيها جدا بجد مهما كتبت وقلت مش بقدر اوفيها حقها .

مش هما دول كل اللى اعرفهم لكن دول اكتر ناس قربتلهم وقربوا منى وبستريح قوى وانا معاهم هما دول اخواتى المدونين اللى بدعى من كل قلبى لرب العالمين واحنا فى اقرب الايام لبابه انه ربنا يديم معزتنا ومش يفرقنا ابدا وبدعى لربى يكرمهم ويفرح قلبهم دايما

هناك 28 تعليقًا:

Empress appy يقول...

انا انا عندى كل ده انت هتستعبط ولا ايه
كده انا كنت راسمه على عريس عنده كده بس واضح انك هتوقف سوقى ميرسى يا هيثم عاااااااااا

ربنا يكرمك يا هيثم دايما وجودنا فى حياة بعض بيأثر ويا رب دايما ياثر بالايجاب مش السلب

غير معرف يقول...

كل سنة وانت طيب

رنا يديم ليك اصدقائك

متشكر لمرورك عندي

تعليقك جميل ووحك هادية عاقلة

رمصان كريم

ميرا ( وومن ) يقول...

هيثم

بقي كدة يا هيثم بعد ما تقول فيا كلمتين حلوين ترجع تقول شكلي عيلة

ماشي ماشي اعمل ايه يعني في شكلي

عاااااااااااااااا

مليش دعوة لما تيجي ليا عندك واحد كابتشينو علي سبيل الترضية

علي فكرة يا هيثم هابقي اقولك راي فيك علي جنب احسن حد يقول بنجامل لعض ولا حاجة

تحياتي

قوس قزح يقول...

ربنا يخليك يا هيثم
انت انسان طيب و جميل
و فعلا الناس اللى اتكلمت عنهم و انا اعرفهم قدرت توصفهم صح

يارب المرة الجاية يكون العدد اكبر و اكبر :)

Unknown يقول...

appy

انا برده اوقف سوقك ده يبقى حمار اللى مش يتمنى يتجوزك
هو فى حد يطول يا قمر

ربنا يسمع منك ويكرمك فى حياتك

Unknown يقول...

afew good men

وانت طيب وبكل خير وسعادة

ربنا يسمع منك واكيد فرحان جدا انهارده لرجوعك وانى كسبت صاحب جديد

الله اكرم

تحياتى

Unknown يقول...

وومن

يابت هو فى حد يطول انا نفسى ارجع وابقى عيل من تانى

على الاقل الواحد مش يبقى شايل هم الدنيا

ياه واحد كابتشينو بس دانا هجيبلك مصنع كابتشينو بحاله انا مش اقدر على زعلك

ماشى وانا مستنيها منك قوى بس لما اجى القاهرة

تحياتى

Unknown يقول...

قوس قزح

تعرفى اجمل حاجة فى الدنيا لما تحسى انه حواليكى ناس بجد تحبيهم ويحبوكى حتى لو بعدتكم المسافات


تحياتى

شهرزاد يقول...

هيثم
ربنا يكرمك ويفرح قلبك يا رب
والله شرف لي أن يكون اسمي مكتوب على صفتحك وعلى هذا البوست بالذات
أنا مش كلمتك ولا شوفتك ولكن من الواضح أنك شخص طيب ومحب للآخرين وللحياة ومساعدة الناس

وبالنسبة لرندا فإحساسك تجاهها لا يختلف عن إحساسنا جميعا فمن سماها ملكة القلوب لم يخطىء أبدا

تحياتي لك
والف تحية وسلام
شهرزاد

Unknown يقول...

شهرزاد

امين يارب

والله انا اللى زادنى شرف معرفتكم وانكم تقبلونى اخ بينكم

اكيد راندا ملكة القلوب دى بجد اجمل حد قابلته فى حياتى

كل التحية والسلام ليكى
اتمنى انك تكونى سعيدة وبكل خير وحب

ftafeet يقول...

هيثم

انا كده مابقتش وحيده اومال انت بتعمل ايه بقى

ربنا يخليك ونفضل اصحاب ونحكى لبعض على طول

كل رمضان وانت بالف خير ياقمر
نوناااااا

Unknown يقول...

ftafeet

نوناااااا

يسمع منك ربنا ويكرمك يارب

وانتى بكل خير وسعادة يارب

تحياتى

رندا يقول...

هيثم الصديق الخلوق الجميل اوى اوى

قريت البوست عددة مرات اصلى انا فى المواقف دى تلاقينى بجرى مش عارفة كسوف ولا اية بس تلاقينى بلف ههههههه
كتير اوى كلامك بجد انت الى انسان جميل اوى وشخص نادر فى هذا الزمن
عندما وصفت جميع الاصدقاء عندك كل الحق فى وصفهم لانهم فعلا اصدقاء نادرين اختيارك صح ويابختك بيهم بجد ويابختى بيهم كمان
عندما دخلت العالم الافتراضى كنت اتصور اننى افتح مدونتى لكى افضفض فيها وخلاص لاقيت ان الموضوع اكبر بكتير لاقيت ان فعلا الاصدقاء كنوز وانت كنز منهم
عندما فكرت انى ادخل عالم التدوين قلت معقولة هلاقى حد شفاف كل الشفافية
وجت قلبك الشفاف
انت جميل جدا وانا افتخر انى اتعرفت بحد زيك

ربنا يكرمك ويسعد قلبك ويديك كل الرزق
زى مااسعت الجميع بكلامك الرقيق
بس بجد بجد كلامك كتير عليا انا مش عملت اى حاجة خالص
دة بالعكس انتم الى اديتوا لقلبى السعادة والله
وانا من معرفتى

بقوس قزح وشهرزاد
فعلا ناس من النادر انك تلاقيهم فى حياتك اجمل البشر اطيب ناس احن ناس على قلبك

ولا كمان نهى رقة اية وجمال اية

انت اخترت اجمل الاشخاص وكمان خالد همس اجمل اخ

والغالى ابو خالد ربنا بيحبنا كلنا لما اتعرفنا علية فعلا

كل الود لااجمل اخ وصديق وابن


رندا

Unknown يقول...

راندا

ايه الكلام الكبير قوووووووووووووووووووى
ده انا مش قد كده

انتى بجد اجمل حد قابلته فى حياتى
انا مش عارف اقول ايه اول مرة اتنح ومعرفش اكتب

بس اللى اقدر اقوله انى اتمنالك كل خير وسعادة واتمنى ان ربنا يكرمك ويوفقك فى حياتك ويفرحك بابنك وبنتك

تحياتى لاجمل راندا

Unknown يقول...

والله يا هيثوم انت اللي شخصيه جميله و حلوه و بحب اقعد معاك بجد :)
وكل سنه وانت طيب و ياريت نشوفك بقي في رمضان :)

حمادة زيدان يقول...

هيثوووووووووووووووم

كل سنة وانت طيب ورمضان كريم

على فكرة يا زوار المدّونة هيثم من أكرم الناس اللي قابلتهم في حياتي ربنا يعيد عليك الايام بكل خير يارب


أخوك

حمادة زيدان

Unknown يقول...

هيثم الكاشف

ميرسى قوى على كلامك الجميل ده

وانت طيب وان شاء الله هشوفك قريب

Unknown يقول...

حماده زيدان

الله اكرم

ايه ياعم لازم تسيح ياعنى على الواسع كده

ربنا يكرمك ويوفقك
ابقى طمنى عليك

تحياتى

دار العين يقول...

على مدونة دار العين للنشر
_ جمال الغيطاني في العين
_ حديث علاء الأسواني عن مشكلة انفصال المثقف عن الواقع
_ حدوتة من كتاب " المرأة والحدوتة "
http://ainpublish.blogspot.com/

Diyaa' يقول...

ربنا يديم المعروف :) ويخليلك كل أصدقائك المدونين وغير المدونين
ليك وحشة جامدة ويا رب تقدر تيجي يوم السبت :)
كل سنة وإنت طيب

Unknown يقول...

diyaa`

ميرسى قى لكلامك الحلو ده
بس يوم السبت انا اسف مش هقدر اجى لانى مضغوط جدااااااااااااااااااااااااااااااا
مع انى عارف ان فى ناس هتزعل منى قوى بس والله غصب عنى

وانت بكل خير وسعادة

تحياتى

Ahmed Al-Sabbagh يقول...

ما اتحرمش منك يا هيثم

وانت والله من اغلى الناس عندى

بس ايه موضوع الناس بتختلف عليا ده

:))

انا ما حدش يختلف عليا هههههه

تواضع تواضع

Unknown يقول...

الصباغ اخيراااااااااااااااااااااااااا
نورنى

عارف والله وانت كمان من لقرب الناس منى

موضوع الاختلاف بقى الطبيعى انه اى انسان فى اللى بيتفق على حاجات فى شخصيته وفى حد تانى بيختلف معاه فيها
وبالنسبالك انت بقى خليها بينى وبينك مش لازم نسيح على المدونة هههههههههههههههههههههههههههههه

واحشنى بجد واتمنى انى اكون فى القاهرة قريب علشان اشوفكم نفسى اقعد معاكم قووووووووووووووووووووووى حتى علشان اغسل هموم الشغل والضغط اللى انا فيه دلوقتى

بصحيح ياد خلى بالك من بيتكم علشان بيقولوا ان القاهرة القديمة اليومين دول فيها حاجات بتطير ممكن تلاقيها مرة واحدة دماغك مش تعرف منين وابعد عن الاوتوستراد ههههههههههههههههههههه

سلام يا جميل

Unknown يقول...

اية دا
اسمى مكتوب ؟؟
شكرا يا هيثم انت كمان شاب طيب وصعيى جدع من الرجالة اللى يعتمد عليهم
وفقك الله الى ما يحبه ويرضاة
واللهم اغفر لنا ما لا يعلمون

nona يقول...

جميل جدا ان يكون لينا اصدقاء نعتز بيهم و نحبهم و يفضل الحب ما بينا مهما بعدنا او خدتنا الدنيا
و جميل قوى انك لما تحتاج لانسان تلاقية يقف جمبك و معك و انك تتعلم منة و ديما يضيف ليك
ربنا يجمعك ديما باحبابك فى الدنيا و فى الاخرة فى بجنات النعيم

Unknown يقول...

نهر الحب

ايناس ميرسى قوى لكلامك الجميل ده

بس بلاش طول الغياب ده تانى وابقى طمنينى عليكى

نورتى

Unknown يقول...

nona

فعلا نونا اجمل شئ فى الوجود انه يكون فى حد بيحيك ويخاف عليك تعتز بيه ويعتز بك

ربنا يسمع منك

نورتى وشرفتى

بنت سيناء.. يقول...

هيثم اول زيارة لى وان شا الله تتكرر
بس والله مش عارفة ايش اعلق واقول..حقيقى هذا البوست لا ينتظر إلا تعليق من ذكرتهم فية

الى الامام

بحث مع دليل المدونين المصريين