muah

MyHotComments.com

ابحث معى

18‏/7‏/2008

شباب عين شمس الرائع

اثناء قرائتى لمقالة ابراهيم حجازى فى جريدة الاهرام كعادتى يوم الجمعة وجدت رسالة اليه من شباب جامعة عين شمس وجدت انه اقل ما افعله هو ان اكتب عنهم وعن تجربتهم الرائعة التى اتمنى ان يطبقها كل شباب مصر .

هم شباب جمعتهم الدراسة وحب مصر والإيمان بها انطلقوا يحلقون بعيدا عن حملات التيئيس المنتشرة في مصر.

هم شباب ككل شباب مصر دخلوا كليتهم متخيلين إن الدنيا وردية وان الأرض طوعا لهم. صدمهم الواقع كما صدم الكثير من شباب مصر بعد إنهائهم دراستهم وكما ذكر على لسان إحداهم في رسالتها للكاتب الكبير إبراهيم حجازي ( صدمنا بأول واقع تمنينا ألا نراه. مصر بلدنا الحبيبة متخلفة في مجالات التكنولوجيا بل وليست حتى في بداية الطريق هل لك أن تتخيل مهندسا متخرجا في كلية الهندسة و جامعة عين شمس التي تعتبر من أصعب كليات الهندسة في مصر. مهندس لا يستطيع أن يحمل في يده كاوية بمعنى اصح لا يستخدم إلا القلم الرصاص ومثلث أرسطو لا علاقة له بالمفكات وما إلى ذلك )
قبلهم أجيال استسلمت للواقع ولم تسعى لفعل شئ وكان من الممكن أن يستسلموا كسابقيهم ولكنهم لم يستسلموا فقد جمعتهم فكرة........ نعم إنها مجرد فكرة ولكن أفضل ما فيها إنهم نفذوها تحدوا واقعهم وفعلوها ويريدون أن يصلوا بها لجميع شباب مصر.

فكرتهم بكل بساطة كانت عبارة عن إقامة مسابقة نعم مسابقة ولكنها ليست كأي مسابقة تفاصيلها كالآتي:-
أقاموا مسابقة أسموها كورد ( Cord ) وهى اختصار (Competition Of Robot Design) وهى تهدف إلى صنع إنسان آلي بأبسط المواد الخام وأقل التكاليف وكان التحدي وأقاموا مسابقتهم السنة الماضية في كليتهم على عجل ونجحت كما لم يتوقعوا. فعلى الرغم من المجهود المضني والعمل الشاق قالت في رسالتها ( كدنا نبكى حين وجدنا الإنسان الآلي الذي صنعناه يتحرك وينفذ مهامه ويفوز واهم ما في الأمر إننا تعلمنا أن نمسك الكاوية وان نفشل عشرات المرات إن لم يكن مئات المرات ) لكنهم في الآخر نجحوا.

المفاجأة أن الإنسان الآلي الذي فاز بالمركز الأول تكلفته 18 جنيها فقط. الفكرة بدأت من عند محمد الرافعى
( رابعة هندسة ) وأقيمت المسابقة بالفعل السنة الماضية وكان موضوع التنافس والسباق صناعة إنسان آلي.
هذه السنة تقام المسابقة يوم 15 أغسطس المقبل و تضم أربعة سباقات والمطلوب أكثر تقدما وتعقيدا.
الأستاذ إبراهيم حجازي يقول ( النتيجة بإمكانى أن أتوقعها وستكون بإذن الله أكثر روعة وإبهارا )
طلبة هندسة عين شمس اكتشفوا أن أحدا لا يريد رعاية مسابقة علمية فهي ليست مسابقة في الرقص وليست إحدى مسابقات الهلس لا احد يريد الرعاية لان الموضوع علم وتكنولوجيا وقيمة.
الأستاذ إبراهيم حجازي يتساءل ويتعجب ( أتعلمون المبلغ المطلوب لرعاية مسابقة لصناعة إنسان آلي ؟ المبلغ عشرة آلاف جنيه !!!!!!!!!)

كان ذلك ما فعله شباب عين شمس وهنا أنا لا اطلب منكم رعاية المسابقة ماليا ولكن مجرد وقوفنا جانبهم بمجرد الكلمة التي نكتبها والاحتفاء بهم والنماذج المشابهة يعطيهم دفعة معنوية أقوى من اى شئ آخر.
انا بحاول حاليا الوصول للمجموعة صاحبة الفكرة وعقد لقاء معهم والمدونين لشرح فكرتهم باتساع فهل من يؤيدنى


هناك 11 تعليقًا:

أحمد سلامــة يقول...

تفاعل جميل منك يا هيثم بصراحة استفزيت مشاعري ناحيتهم جدا
معاد المسابقة الجاية جميل ومناسب قوي
واعتقد هيكون في اقبال من المدونين المرة دي
يا ريت لو في داتا اكتر عن الموضوع ده تنوه بيها

مصــــري..!! يقول...

هيثم

كيفك يارجل؟

الحقيقة حكاية الدعم من الكلية دي صعبة حبتين.
لأنه وبكل بساطة رئيس الجامعة هو أحمد زكي بدر.
رجل الأمن الهمام ومشخلع الطلبة في الحفلات طول السنة.
طبيعي مش فاضي لشوية شباب بيحلموا.

قال يحلموا قال!!

تحياتي
أسامة

شهرزاد يقول...

هيثم
لقد تأثرت جدا لهؤلاء الشباب
وتأثرت أيضا لموقف المجتمع غير المناهض لهم
وأسفاه...

يعني لو مسابقة رقص أو جمال اكيد الكل هيدخل.. للأسف.. لو كانوا في دولة غربية أكيد كانت رعتهم وتبنتهم

أحييك على اهتمامك بهذه المواضيع

تحياتي لك

شهرزاد

Soooo يقول...

انا معاك والله
شوف لو نقدر نقابلهم ونتكلم معاهم ولو في ايدنا اننا نساعدهم ونشجعهم ونغطي المسابقه بالصور والتحليل الفني ولقاءات معاهم

ولو كده يبقى شويه بشويه الموضوع هيبدأ ينتشر على الاقل عند مستخدمين التكنولوجيا وممكن بعد شويه تلاقي في دعم جاي من مواقع عالنت بغرض الدعايه وتغطية الحدث ومش بعيد تلاقي شركات زي لينك وتي اي داتا عندهم استعداد يغطو الموضوع

وعلى فكره .. لو الشركات دي عملت اعلانات وصرفت عليهم مش هتعتبر بتدفع حاجه من جيبها .. لسبب بسيط .. ان الاعلانات بتتخصم من فلوس الضرايب

وبكده نبقى عملنا حاجتين في نفس الوقت
اول حاجه .. اننا نكون سلطنا الضوء على الحوار ده والناس تلاقي تشجيع كافي .. وتاني حاجه اننا نبدأ نعرفهم بهيئات التمويل اللي ممكن تتابع مواضيعهم من خلال المدونات بتاعتنا

دووووس وانا معاك
وربنا يعمل اللي فيه الخير ان شاء الله




سلاموووووووووووز

هيثم الكاشف يقول...

وانا معاك يا هيثوم و احنا برده لازم نعمل حاجه مش نفكر لسه هانعمل

كاتب مصري يقول...

ياريت الواحد يقدر يعمل حاجة صغيرة ع لأقل بلاش ده كله
خير ربنا يوفق الجميع
ياريت تنور مدونتي بحضورك أزداد شرف والله
مدونتي
كأني أتكلم

شهرزاد يقول...

هيثم
لك عندي سؤال في المدونة
أرجو أن تمر وتاخده وتجاوبه
هيشرفني ذلك جدا

تحياتي لك

المحارب المتيم يقول...

هيثم الدهشان

تحياتى

جميل أن يكون هناك شباب فى مصر يفكر

ويعمل ويتحدى الواقع المرير الذى

نحياه جميعا

اتمنى أن تكثر مثل هذه النماذج فى

مجتمعنا فنحن فى امس الحاجة لها

شئ اخر قرأت لك شعرا جميلا

انت تكتب بقلم شاعر حقا

دمت بكل ود

عرفة فاروق السيوطى

د/اجدع بنوته يقول...

ماشاء الله عليهم يارب

ربنا يقويهم ويزيدهم يارب ويجازيهم خير

اهو ده شباب مصر الصح بجد

ربنا يكتر م امثالهم

appy يقول...

انت مختفى ليه يا ابنى
هو ايه فيه ايه مالك قبضوا عليك فى الجيش ولا واقف بتنظم المرور اعترف بسرعه

اشوفك فى التبرع بالدم يوم الجمعه ولا ايه

رندا يقول...

هيثم ازيك عامل اية

انا قلت اجى اسلم عليك لاقيت بوست جديد
ولية مش الجامعة نفسها تدعم الشباب
هى الفلوس بتروح فين بتاعة الدولة مش عارفة دة المفروض لو حقق شئ
هيرجع برضة ليهم
خليهم بقى فى مسابقة ملكات الجمال دى الى جايبانا لورا ال بيقولوا علشان احنا فى القرن مش عارفة اية
والعولمة هى العولمة برضة يسيبوا شباب عايز يحقق شئ وينجز فى شئ مهم
ربنا معاك ياهيثم لو فى ايدى حاجة انا تحت الامر

ربنا معاكوا يارب

مش تتاخر عليا

كل التحيات

رندا

بحث مع دليل المدونين المصريين