muah

MyHotComments.com

ابحث معى

30‏/6‏/2008

كلام .......... والسلام ( وجهة نظر )

بعيدا عن ايجابيات وسلبيات يوم 6 ابريل فمن وجهة نظرى ان التدوين فى مصر انقسم الى مرحلتين هما ما قبل 6 ابريل وما بعد 6 ابريل فقبل ذلك اليوم لم يكن الكثيرين يعرفون ما هو التدوين ومن هم المدونين وما هو ذلك الشئ المسمى بالفيس بوك وبعد احداث ذلك اليوم والهجوم المصاحب على المدونين والفيس بوك علم الناس بوجود هؤلاء الناس المنبثقين منهم المنتقدين للسلبيات فى المجتمع بأسلوبهم الساعين الى تغيير المجتمع للأفضل ولكن ما مدى تأثر الناس بهؤلاء .

هناك من رأى فيهم الأمل فى ان يفعلوا ما لم تستطيع الاجيال السابقة فعله وهناك من لم يتأثر بأى شئ سوى ان هؤلاء الأشخاص معارضين للحكومة ولذا توجب الابتعاد عنهم وذلك رأى مجافى للحقيقة فليس كل المدونات تكتب فى السياسة بل انى ارى ان الاساس فى المدونات الوجهة الاجتماعية والانسانية .

فإلى اى اتجاه يسير التدوين والمدونين فى مصر ؟

هناك 14 تعليقًا:

ميرا ( وومن ) يقول...

هيثم

لقد أصبت في كل ما كتبت فمنذ ان كثر الكلام عن التدوين وعن الفيس بوك ارتبط كلاهما في أذهان الكثيرين بالسياسة والمعارضة لذا فوجب الأبتعاد عنهم ربما لأن الإعلام ركز فقط علي دور المدونات السياسي وربما هذه الضجة التي أثارها شباب الفيس بوك
السؤال المهم الأن كيف نقدم الوجه الأخر للتدوين بعيداً عن السياسة ?

walaa يقول...

كنت زمان بأصيب بالاحباط لما بلاقى الشباب بيتكلم على البلوج والفيس بوك ومفيش حد بيسمع لييهم
لكن لما اتعرفوا دلوقتى اكييد الموضوع اختلف
انا حاسه لو عند الشباب نفس الحماسه اللى فى البلوجات ومش هيخافوا
اكييد ممكن نعمل كتيير قوى
تحياتى ولاء

زفته وقطران يقول...

كل اللي قلته صح ياهيثم
انا اعرف شخص
عمل عضويه ف الفيس
فسالته ليه
قالي اعرف ماله ومال الاضراب
وبعد كده عضويته واقفه
يعني لما التليفزيون قال ان الفيس بوك سبب الاضراب
قرر انه يدخل الفيس بوك

Soooo يقول...

والله يابو هيثم التدوين ليه مراحل مختلفه

يعني مثلا زمان لما كترت حواث بلطجة الظباط الشباب اتمو بالتدوين عن طريق متابعتهم لمدونة وائل عباس والوعي المصري
وانا كنت من الجيل ده

جات بعدها مرحلة تانيه واللي هي مرحلة غاده برايد او مدونة عايزه اتجوز واللي ناس كتير اغلبهم بنات لقوها فرصه مناسبه انهم يتجهو للتدوين

ودلوقتي بقينا في المرحله بتاعة سته ابريل وماعقب الاحداث دي

بس من وجهة نظري ان كل ده في الاخر هيصفصف على اصحاب الفكر والطرح الجيد والنقاش المعتدل

وبعدين ياسيدي خلي الشعب يدون .. يارب ياخي يكون لكل مواطن مدونه
المهم .. انه يقول كلام ايجابي مش اي كلام وخلاص

موضوع حلو وشيق بصراحه يابو الدهشنه
يلا هسيبك بقى عشان اروح اشوفلي اي لقمه اكلها
اعمل حسابك معايا؟؟؟؟



سلامووووووووووز

Unknown يقول...

وومن

نقدم الوجه الآخر بإننا تركز اكتر على الدور الانسانى والاجتماعى فى كتاباتنا ونفعل الدور ده بعيدا عن مثالية الكى بورد

نورتينى

Unknown يقول...

walaa

اكيد نفس الحماسة موجودة عند 85% على الاقل بس المهم ان ده يستغل صح
ولا ايه

Unknown يقول...

زفت وقطران

مع اعتراضى على الاسم الا انه كلامك صحيح كتير من الناس دخلت مجرد ان الحاجة دى عليها كلام كتير

Unknown يقول...

soooo

ياريت لو ساندوتش شاورمة بس بلاش تكون زى بتاعة اسكندرية

نورتنى

مصــــري يقول...

هيثم

كيف حالك يارجل؟

أنا شخصياً لم أكون مدونة إلا بعد 6 أبريل.
وذلك لعدم علمي بوجود طريقة للتعبير بتلك القوة.

وعن الفيس بوك فمن أنا لكي أتحدث عنه.

تحياتي
أسامة

Empress appy يقول...

هيثم هيثم انت مش بترد ليه انت متقمص هههههههههه معلش ظوف اللى بتمنعنى انى اجى بعدين ابقى اقولك
بص يا سيدى انا راى مع راى سووو فى النهايه هيصفى التدوين على اللى له فكر وقضيه وهدف
انما اللى مش فاهم وواخده موضه هينتهى بسرعه
غير كده فيه واحد صاحبة مدونة انا جعان قالى انه هينزل موضوع اسمه ما بعد التدوين ياااااااااا بجد مستنيه الموضوع ده موت الواد ده دماغه جايبه من الاخر هتلاقيها عندى فى اللينكات اسمه سلطنه الجعانين ابقى تابعه واقرى له القدرم وشوفه عامل ازاى
ولما البوست ينزل هقولك

weswes يقول...

هيثم
اعتقد ان التدوين مش تيار سياسى فى الاساس علشان نقول هو رايح على فين
انما هو حاله انسانيه شخصيه
بكل ما تحويه الشخصيه من جوانب اجتماعيه كانت او نفسيه اوسياسيه
وبما ان الحياه السياسيه فى مصر بتاثر على كافة جوانب حياة الانسان
فبتالى شوفنا انعكاسه على لتدوين بشكل واضح

Unknown يقول...

مصرى

انا تمام المه انت عامل ايه

هو بصحيح فى ناس دخلت عالم التدوين بعد 6 ابريل لكن المهم بيكتبوا ايه مش المهم انه امتى دخلوا

نورتنى

Unknown يقول...

appy

حمدلله على السلامة . المهم انك تكونى بخير

انا كمان متفق مع رأى سو قوى بس المهم الفترة دى قد ايه ماهى مش ناقصة هرتلة ولا ايه

نورتينى

Unknown يقول...

weswes

هو التدوين فى كل حالاته بالتأكيد حالة انسانية شخصية بس انا قصدى على مجموعة معينة من الناس حصروا التدوين فى القالب السياسى فقط دون النظر للأساس الانسانى وايه تأثير ده على المدونين انفسهم


نورتينى فى اول زيارة

بحث مع دليل المدونين المصريين