muah

MyHotComments.com

ابحث معى

14‏/6‏/2008

After Mid Night الجزء الثانى

اولا احب ان اوضح بعض النقاط من البوست السابق :-
1- الموضوع حقيقى 100%
2- بالنسبة للقصص انا منزلها علشان نعرف عالم غريب علينا نستفيد منه ونعرف ازاى الناس دى بتوصل لكده
3- بالنسبة للصور انا مش هقدر انزل باقى الصور اللى معايا علشان منروحش شارع الحرية اولا وعلشان اباحيتها ثانيا يعنى مراعاة لمشاعر الآخرين
4- بالنسبة لشغل السابينس فده شئ مش مقصود بس علشان مطولش عليكوا فى البوست وبعدين دول 6 قصص كل واحدة ممكن تاخد حلقتين او تلاتة على الاقل وبعدين يا عم سو لازم التشويق شوية

احنا توقفنا فى الجزء السابق عند ذهاب البنت للنوم فى منزل جارة صديقتها والآن نستكمل معا باقى الحوار لنعرف ماذا حدث لها فى صلاة الفجر .
هى: لم أفكر فى شئ آخر بل ذهبت للنوم لانى كنت مرهقة جدا وبعدما ذهبت فى النوم فوجئت فى منتصف الليل بزوج جارة صديقتى يوقظنى من النوم بحجة أن صلاة الفجر قد حانت وطلب منى ان اقوم اتوضأ الى ان يحضر لنا حاجة نشربها وقالى علشان تفوقنى علشان اقدر انزل اصلى معاهم وتركنى وذهب قمت توضأت ونظرت الى الساعة فوجدت ان ميعاد الفجر مازل عليه الكثير ليس اقل من ساعة ولكنى لم افكر وتوضأت وخرجت الى الريسيبشن وجلست فى انتظارهم واتى وهو يحمل معه كوبين من عصير لونه غريب وشربت وبعد ان شربته احسست باحساس غريب وهو ازدياد الرغبة الجنسية عندى بطريقة فظيعة و جلس بجانبى وطلب منى ان اقص عليه روايتى مع انى قصصتها على زوجته واعتقد انها قصتها عليه بالتأكيد ولكنى قصصتها عليه فكنت اريد الكلام مع اى انسان وعند وصولى لفترة زواجى قام بحجة احضار كوب آخر من العصير علشان يقدر يستوعب وفعلا اتى بكوب آخر وكانت خطيئة عمرى انى شربته من غير تفكير وبعد شربى العصير بدأ يستوقفنى ليسأل فى نقاط شديدة الحساسية فى الزواج ولكنى كنت تقريبا مغيبة عن الوعى ولكنى ارى ما حولى جيدا الى ان فوجئت بانى بين احضانه وقضينا ليلة كانت حمراء بالطبع ومن بعدها ظلت العلاقة بيننا فترة من الوقت الى ان تعودت على شرب كوب العصير يوميا وكنت انا من اطلبه منه وبعد مرور شهر تقريبا قال لى انه اخذ شقة قريبة حتى نلتقى فيها بعيدا عن زوجته التى لم اكن اراها كثيرا ولم اسأل عنها وبعد انتقالى للشقة الجديدة بدأ يجلب لى اصدقائة بحجة انى اساعده بذلك فى انهاء اعماله وكان يترك لى المال الوفير الى ان استولت على المخدرات ولم اعد افكر فى اى شئ اخر سوى المخدرات والجنس والمال وبعد فتره اختفى ولم يعد يأتى وعلمت انه غير سكنه القديم فعملت فى احدى الكازينوهات الشهيرة فى شارع الهرم لفترة ثم انتقلت الى كافيه فى المهندسين ومازال بى الحال كذلك الى ان اتيت انت اليوم .
انا : انتى كده مش حاسة انك اهدرتى كرامتك كانسانة يمكن بدون وعى منك بس انتى بقيتى زى التاكسى الكل بيركب فيه لحد ما ينزل المكان اللى هوه رايحه بعدين مش بيشوفه تانى فمش هيهمه التاكسى ده كويس ولا وحش .
هى : نزلت دموع عينيها التى لم استطيع احتمالها وقالت انا باستغراب
انا : نعم انتى عموما لسه الفرصة قدامك تكونى انسانة وترجعى لنفسك من تانى انا بشتغل فى مجال السياحة واعرف شركات سياحية محتاجة سكرتيرات وممكن تشتغلى فى كده ومرتبها بيكون كويس يكفى معيشتك بكرامة لو حبيتى تكونى انسانة وترجعى كرامتك من تانى انا ممكن اساعدك بس المهم انك تكونى مقتنعة بانك دلوقتى غلط ولازم تراجعى نفسك
هى : انا كنت محتاجة من زمان للى يقف جنبى ويساعدنى بجد للى يفوقنى من اللى انا فيه مش اللى مش بيشوف فيا غير جسمى وبس
انا : وانا قولتلك لو حبيتى اوكى
هى : ثوانى ارجوك متمشيش لحد مارجع . دخلت جوه جابت الشنطة بتاعتها وحاجتها ونزلت معايا راحت شقتها فى انتظار تليفون منى

وبعدين كلمتلها حد صاحب شركة ونزلت اشتغلت معاه ومن يومها مشفتهاش تانى بس لما سألت عليها عرفت انها اتجوزت امير خليجى وعايشة هنا فى مصر وحققلها اللى لو كانت اشتغلت طول عمرها مكانتش هتعمله لا بالحرام ولا بالحلال .

دى كانت اول قصة لسه فى قصص تانى استنوا البوست اللى جاى قصة على عكس دى تماما

هناك 10 تعليقات:

mohammed alsha3r يقول...

موقفك جيد ومشكور عليه ياجميل

وربنا يهدى ياااااارب

شهرزاد يقول...

يقولون أن الحياة
عبارة عن قصص كثيرة
بحاجة لمن يرويها..

اللي يعيش ياما يشوف
ويسمع حكايات أحيانا تكون
مثل الأفلام!!

وربنا يقدرك على صنع المعروف
واللي بيرجع لله
أكيد ربنا هيقبله
ويعوضه..

تحياتي

alshared يقول...

أنا قريت الجزء الأول بس مكانش فيه فرصه أعلق عليه في وقتها

دلوقتي
أنا هاعلق علي القصه كلها

في بعض الأزمان
تكون الرذيلة هي الطريق المستقيم
وللأسف
نحن نعيش في أحد هذه العصور
حيث لم يعد للأنسان كيان
إلا بما يملك
وعندما تكون لا تملك شيئا
فبيع الذات هو العنوان

جزاك الله خيرا

تحيـــــــاتي

قوس قزح يقول...

القصة دى تعلم الواحد انه ميدخلش بيت اى حد ميعرفوش كويس و كويس جدا كمان

جزاك الله خير على مساعدتك لها

رئيس جمهوريه نفسى يقول...

اولا شكرا لنبل موقفك ومساعدتك ليها وللاسف القصه دى بتتكرر كتير وحتتكرر تانى لانى محدش بيتعلم من اخطاء الاخرين

بيكيا للبيع يقول...

امممممممم ربنا يهدى يا هيثم ويهد اللى فى بالى يا رب
انا ايه السابينس دى مش عارفه منه لله اللى شجعك تكتب القصه هعضه بس اشوفه يا رب قريب


اه انا
آبى هانم ده لينك المدونة التانيه يا خويا اصلى مكسله اطلع من ده وادخل بالتانى
الزحمه انت عارف ههههههههههه
على فكرة مبسوطه انك منزلتش الصور
سؤال مين شارع الحريه ده يا هيثم ده فى مارينا

شهرزاد يقول...

هيثم
يا ريت تمر على مدونتي
أهديتك تاج
يا ريت تجاوب عليه
هكون سعيدة جدا
تحياتي لك

همس الاحباب يقول...

والله تشكر يا جدع على المساعدة
وجزاك الله خيرا
والحمد لله ان ربنا اكرمها
تحياتى وتقديرى

المنسى يقول...

فعلا موضوع كبير وجرىء زى ما قولت


قريت بوست البورصة
وفيش حد كاتب أبلغ رد على بوست المنسى ولا حاجة


أنا لية وجهة نظر فى الموضوع ماوصلتش لحد فيكوا

وربما أكون انا المخطىء فى طريقة توصيلها



عامة أن مررتلك تاج
ياريت تيجى تبص عليه

nour shahen يقول...

الحمدلله الذى عافانا مما ابتلى به كثير ممن خلق ولكن للآسف ظروف القصه دى مكنتش ابتلاء من الله دا ضعف نفس وضياعها ومحدش مسئول عنه الا صاحبة القصه مش اكتر
صحيح في الدنيا مقاسى كتيره لكن مشكلتنا مهماننصح ونرشد ونوعى محدش يسمع الا لما يجرب بنفسه محدش ابدا بيحاول يتعلم من تجربة حد تانى سبحان الله ولا حول ولا قوة الا بالله
ربنا يهدى العاصى يا رب
اللهم استرنا فوق الارض وتحت الارض ويوم العرض عليك
تحياتى

بحث مع دليل المدونين المصريين