muah

MyHotComments.com

ابحث معى

24‏/6‏/2008

حالة

سؤال جه فى دماغى مرة واحدة قولت اشركم فيه يمكن الاقى اللى يريحنى
هو ليه كتير بنحس اننا مضايقين ومخنوقين من حد فى حياتنا ولما بيحصله اى مكروه بنلاقى نفسنا اول ناس نجرى عليه ونحضنه ونبقى مش عايزين نبعد عنه نع اننا كنا لسه بنقول احنا مش عايزين نقربله .
فكرت واحترت كتير لقيت ان الحب جوانا مزروع ومش ممكن نشيله ابدا دى الطيبة والحنان هى اساسنا .
زمان سمعت عبارتين اتيقنت منهم دلوقتى ( عمر اللى يحب ما يكره / مفيش حد بينجرح قوى الا لما يحب قوى )
فكرت ومعرفتش اوصل لاجابه هو الحب ليه جوانا مزروع ومش قادرين نمحيه دى حاجة لقيت انه دى حاجة مش بنتحكم فيها .
ملحوظة ( انا مش بالضرورة بتكلم عن حب واحد لواحدة انا بتكلم عن حب كل الناس لكل الناس )

هناك 15 تعليقًا:

Empress appy يقول...

عندما بحثت عنك وجدتك فى اعماقى
عندما نظرت اليك رايتك طيف بعيد
عندما بحرت بعيدا لم اجد غير يديك لانقاذى

قوس قزح يقول...

الفطرة
فطرة الانسان الخير
فطرة الانسان الحب
فطرة الانسان الانتماء

غير معرف يقول...

تدوينة هايلة يا هيثم
أسلوبك رائع

ميرا ( وومن ) يقول...

هيثم
سؤال في محلة والله بس بجد لو تعبنا نفسنا ودورناله علي اجابة ممكن نلاقي حاجات بتتغير جوانا
لما يكون جوانا الحب ومش قادرين نمحية احسن ما يكون جوانا القسوة ولا ايه

وعموما في نوع من الناس برتبطنا بيهم علاقة حب / كراهية
بنكرهم ومش طايقنهم وفي نفس الوقت مش بنستحمل حاجة عليهم
تناقض اخر من تناقضاتنا كبشر

رندا يقول...

الحنان
OOOOOOOO

لما يكون حد حنين قوى
مش بيهون علية يبعد ويكرة
القلب الى كلة حنان
مش بيعرف غير الحب

الطيبة
OOOOOOO

لما حد يكون طيب ومش مليان شر بيعمل الحالة دى

الحب
OOOOOOO

الى قلبة مليان بالحب مش ممكن يتعامل غير بكل حب

كل الود

رندا

مصــــري يقول...

كيف الحال يارجل؟

لعلك تذكرني
أسامة....مصري....البورصة.

المهم
يمكن عشان قلبك أبيض بتعمل كده.
لكن بجد السؤال مالوش اجابة.

احنا بنحب بجد.
يبقي ما نعرفش نكره.

ومع ذلك في ناس عكس ما انت بتقول خالص.

تحياتي
أسامة

Unknown يقول...

appy

اممممممممممممممممممممممممممممممم
حالة برده

ماشى

Unknown يقول...

قوس قزح

اكيد الفطرة ليها بس فى ناس كتير ماشية عكس الفطرة ولا ايه

نورتينى

Unknown يقول...

ميادة مدحت

نورتى المدونة

مستنيكى لما ترجعى من المصيف

Unknown يقول...

وومن

ويالها من تناقضات الخير مع الشر والحب مع الكراهية

غرائب ولكنها من الخالق علشان كده مش لاقى اجابة

ولا ايه

Unknown يقول...

راندا

نورتينى
كلامك صح الحنان والطيبة مع الحب

Unknown يقول...

مصرى

اكيد طبعا يا اسامة اتذكرك منورنى فى اول زيارة ليك

NIDAAL .R يقول...

الحب ده غريزة اساسية فى الانسان
بس بتختلف النسب من واحد للتانى
احنا يا هيثم مش بنعرف نكره من الاساس
أسئلنى انا ده انا بقالى 105 سنة فى البتاع ده وياما شوفت يا ابنى
هههههههههههههههههههههه
ليت الشباب يعود يوماً

شهرزاد يقول...

كلامك صح يا هيثم
تمر لحظات بنا نشعر بأننا نكره كل من حولنا حتى المقربين حتى من نحبهم
ولكن في لحظات الألم والحنان
نشعر بحاجتنا إليهم وحاجتهم إلينا
فكل حالة حب تمر بنوع من الرتابة والملل
ولا بد من الشوق لتجديد الحب
تحياتي

Amgad يقول...

انا جربت الموقف ده بس علي حق
كان في شخص مش بستريحله خالص وهو نس الوضع
وفجاة اتوفي الي رحمة الله
لحد دلوقتي وانا مش مسامح نفسي

اقولك ليه لانو لما بيجرالو حاجه
بتبرريله اي فعل عمله وبتفتكريله الكويس بس وبيصعب عليكي لانو قدام وجه كريم ده اللي حصل معايا اتمني يكون حل ولو تحت النقاش ليكي وتقبلي خالص تحياتي

بحث مع دليل المدونين المصريين