muah

MyHotComments.com

ابحث معى

20‏/6‏/2008

كلام فى البورصة واجابة تاج الاحلام

أولآ : موضوع البورصة

تحديث : البورصة فتحت من تانى يوم الجمعة


للأسف لما وصلت البورصة لقيتها مقفولة وسألت هو فى ايه قالولى البورصة اتشمعت طيب ليه سمعت كلام عن خناقة ضربت فيها واحدة من اللى قاعدين عقيد شرطة كان جاى يقفل القهاوى اللى فى البورصة تبع البلدية يعنى .

المهم روحنا قعدنا فى زهرة البستان وكان تجمع كبير للمدونين بس مقدرناش نفتح النقاش لا انا ولا خالد ولا حتى سوو والصباغ لانه لما يبقى فى 30/35 مدون كلهم بيتكملوا فى نفس الوقت فمجتش الفرصة لكننا اكيد هنحدد ميعاد للمناقشة فيما بعد بحيث انه برضه يتوافق مع ظروف الناس اللى اعتذرت .


ثانيا : التاج ( تاج الأحلام )

انا كنت نوهت انى وصلنى تاج من شهرزاد صاحبة مدونة رسائل الى القمر اسمه تاج الاحلام والتاج ده بيقول ايه

1- أذكر أحلاما تخص ماضيك كنت هتتخلى عن إيه فيها و هتتمسك بإيه لحد دلوقتى

مش هقول الحلم مات جوايا من زمان لكن لسه بحلم . اه بحلم بس من غير امل يعنى بحلم علشان متخنقش زمان حلمت بالحب وراح ويا حبيب خان العشرة وحلمت بالصديق وغدر بى كتير لكن يمكن لسه الحلم ده موجود جوايا لما لقيت المدونين . حلمت بالحضن اللى يضم من غير ميقول انا مصلحتى ايه وضاع منى مع ناس كتير . حلمت انى اكون انا مش غيرى ولسه محققتش ده بس لسه متمسك انى اكون ذاتى مش مرايا لغيرى من الناس .

2- أذكر احلاما تخص مستقبلك وما تتمناه منه

بحلم بالخير يملا القلوب ويرجع الحب بتاع زمان لما كان بين الناس مودة وحنان . بحلم انى يكون لى اصدقاء بجد يحبونى ويخافوا عليا وانا كمان احبهم واخاف عليهم . بحلم انى احقق ذاتى فى ارض صلدة صعبة المراس .

3- أذكر شخصين على الأقل متواجدين فى حياتك كنت تتمنى وجودهم من قبلهم

الشخص الأول : مجموعة المدونين اللى اتعرفت عليهم واثروا فيا
الشخص الثانى : توأمى نضال اللى اتعرفت عليه من خلال التدوين وهو بجد من الناس اللى بعزها وبحترمها جدا
الشخص الثالث : احمد الصباغ من الناس اللى كنت بتمنى اقابلهم من زمان
الشخص الرابع : سو وده بالذات واحد من الناس اللى اثرت فيا جدا بسخريته المعتاده
الشخص الخامس : خالد من الناس الطيبة جدا اللى كنت بتمنى وجودهم فى حياتى من زمان
الشخص السادس : آبى من العقليات التى تحترمها وتستفيد منها جدا

4- أذكر شخصين على الأقل غير متواجدين فى حياتك و تتمنى وجودهم مستقبلا فى حياتك وحياة اولادك

الشخص الأول : حبيب يصون ولا يخون يكون هو الامان شريك الحياة

الشخص الثانى : ناس مليانة قلوبها طيبة وحنية عمرها ماتكون أسية

اخيرا بمرر التاج لـــ

1- نضال

2- بنت خيخة

3- خالد عثمان

4- وومن

5- المجنى عليها







هناك 16 تعليقًا:

NIDAAL .R يقول...

ابو دهشان
ايه الاحلام الكتير دى بتاعت التاج يا عم
ده انا كدة ممكن ما اصحاش اساساً
و أكيد هجاوب عليه بامر الله البوست الجاى عالطول .. يومين بس
وأكيد برده احنا محتاجين قاعدة كدة حلوة
للمدونين كلهم نطلع بيها بأفكار جديدة
تفيد المجتمع لاننا مش عايزيين نكون مجرد كيبورد وصوابع عايزيين يبقى لينا فاعلية فى المجتمع ولالالالالازم
تحياتى
نضال

ميرا ( وومن ) يقول...

هيثم
دي تدبيسة بجد وجداني أولا التاج هايل ويجنن فعلا
ثانيا أجابات حضرتك اللي محصلتش دي هاتخلي الواحد يقعد يفكر في موضوع الأحلام ده بجد
تقبل خالص تحياتي

Soooo يقول...

صغر الفونط ياعم
مش عارف اقرى حاجه

اه صحيح
بص على اول موضوع انت نزلته




سلامووووووووووز

شهرزاد يقول...

إجابات جميلة يا هيثم
أسعدني ردك جدا
وما يحمله من صدق و عفوية

" مش هقول الحلم مات جوايا من زمان لكن لسه بحلم . اه بحلم بس من غير امل يعنى بحلم علشان متخنقش زمان ..."

لقد أثرت فيّ عبارتك فهي تعبر عني تماما
نحلم من دون أمل.. ولكن لان الاحلام
هي مساحة الضوء الوحيدة التي نقف فيها بعض الأحيان لننسى غدر الزمان..

وربنا يحققلك كل احلامك يا هيثم
أنت تستحق التاج

تحياتي لك وشكرا لردك

همس الاحباب يقول...

هههههه
يا بنى صغر الفونت شوية الكلام مش واضح كويس
انت صعيدى وبتكتب بشومة ولا ايه
المهم اجابات جميلة من انسان بيحلم ببكرة وبيحلم بالخير فى دنيا الشر
بس مين قالك على اسمى بالكامل خالد عثمان
انا مشهور بخالد همس الاحباب وما حدش يعرف اسمى كامل
وثانيا : التاج ده جانى 3 مرات قبل كده بس ان شاء الله هاجاوب عليه قريب بس دماغى تروق شوية يا عم هيثم
تحياتى وتقديرى

غير معرف يقول...

تاج جميل و ردود موزونة حكيمة و نفس نقية شفافة ترى الخير ..
بارك الله فيك أخى الكريم و حقق لك كل ما تتمناه ..
أتابع مدونتك باعجاب ..
تقبا تحياتى و تقديرى
أختك ناديه طه

أحمد سلامــة يقول...

يعنـى ياعم هيثم انا اللي حظي حلو عشان تشميعه البورصة دي عشان جيتو على زهرة البستان هي كل مرة بتبقى جميله بس المرادي كانت جميله أكتر بيكم
وانت من تاجك انسان جميل ربنا يسعد ايامك يا رب

Unknown يقول...

نضال ميرسى انك هتجاوب التاج انا مستنيها قوى وبقولك ايه خليك نايم شوية وهصحيك

Unknown يقول...

وومن

اكيد هنتظر اجابتك لانك من الشخصيات اللى عجبتنى جدا فى التدوين
وبعدين اجاباتى عادية زيى زى اى حد تعب من كتر الاحلام المثالية شوية بس لازم نحلم علشان نقدر نكمل

Unknown يقول...

soooo

ابقى البس نظارة ياعم وانت بتقرى

على فكرة بصيت على اول موضوع ووصل الكومنت واتحذف كمان ميرسى

سلاموووووووووووووووووووووز

Unknown يقول...

شهرزاد
بصراحة مش عارف اقولك ايه بس بجد اروع هدية وصلتنى من حد كانت التاج بتاعك انا بشكرك من كل قلبى

Unknown يقول...

خلود
التاج جالك 3 مرات 4 مرات 100 مرة هتجاوب هتجاوب انا مستنى
وبعدين الاسم بالكامل ياعم مش مشكلة شغالين امن دولة بقى
انت اللى قولتلى عليه
ربنا يعينك ويوفقك فى مشغولياتك الكتير اليومين دول

Unknown يقول...

نادية انا بشكرك كتير على متابعتك المدونةواعجابك بها
تقبلى تحياتى

Unknown يقول...

احمد سلامة انا بصراحة كنت مضايق على قفلة البورصة بس فعلا عرفتنى على ناس جميلة زيك وخلتنى اقعد مع البوهى قبل مايسافر بعد ما مكنتش طايلة على البورصة

رندا يقول...

اسفة على التاخير

قلب برئ يخاف من الاحلام لصعوبة الوصول اليها
قلب مخلص لايمكن ان يعيش بدون اصدقاءة
انت جميل قوى ياهيثم ربنا يبارك فيك

ربنا يحقق كل احلامك ويرزقك بكل السعادة

رندا

Unknown يقول...

راندا

ولا يهمك التأخير

ميرسى على المجاملة الرقيقة دى

ربنا يسمع منك ان شاء الله

نورتينى

بحث مع دليل المدونين المصريين