muah

MyHotComments.com

ابحث معى

14‏/4‏/2008

مش هنبطل نقول لا

ولا هنبطل نقول لا
ولا هنسمع لصوت الطيار
طول ما هما قاعدين فوقينا
ومش حاسين بينا
دايما واكلين قوتنا
ولا هاممهم جوعى
حتى رغيفى المسكين
ابو مسامير
سرقوه منى
وقالولى ده كتير عليك
ولا هنبطل نقول لا
ولا هنسمع لصوت النار
طول ما السور عالى
ومش قادر اشوف الدار
دايما سارقين دعمى
ولا هاممهم موتى
ده حتى زرعى
اللى بحرثه تحت شمسى
واكلينه غصب عنى
مش هنبطل نقول لا
ولا هنسمع لصوت الطيار
طول ما هناك اهلى وناسى
جوه شارع الحرية محبوسين
ولأمتى مش عارفين

هناك 6 تعليقات:

Ahmed Al-Sabbagh يقول...

رائع

يا شاعرنا الجميل

دمت بخير

احمد

كاميليا بهاء الدين يقول...

ولا هنبطل نقول لا
ولا هنسمع لصوت الطيار

مهما علا صوت الإنذار
لأ .. بقت هى الإختيار
وطول ما فيه .. إصرار
لابد يوم يخضع لنا الإعصار
مهما زاد الحديد فى الايد
ومهما زاد العدد .. ورا الاسوار
مساجين احسن كتير ..
من جعانين أحرار

كلامك جميل اوى ياهيثم
ومعبر وصادق
من القلب للقلب

تحياتى

بنت مصريه يقول...

الله عليك انا برضه بكتب شعر بس ساخر اتمنى تقراه وتنورنى فى مدونتى

dina يقول...

على رأى سعاد حسنى..ان كلمة ايوة جميلة بس الاجمل كلمة لا..عارف انا نفسى كل واحد يقول لا للفساد اللى فى نفسه و اللى فى محافظته بعدين فى مصر كلها ...خطوة خطوة
تحياتى

رئـــــيسـة حزب الأحلام يقول...

السلام عليكم
حتى العيش ابو مسامير يلا ربنا يصلح حال البلد تحياتى لك

*سمر* يقول...

كلام فى الجون

احييك بشدة

بحث مع دليل المدونين المصريين