muah

MyHotComments.com

ابحث معى

17‏/4‏/2008

حبيته يا ليالى


حبيته بقلبى
اديته عمرى
كان هو سلامى
وكل كلامى
غدر بحبى
ولا صان قلبى
حبيته
وياما كتيرسهرت اغنيله
وهو بيغنى عليا
كان غدره قدامى
ومكنتش شايف
حبيته
وهو خان الحب
هو لما قاللى بحبك
كان ليه يشغلنى بيها
هو خلاص الحب
بقى لعبه
بين الناس...
وايه يعنى
خلاص
مش هو خان وباع
انا مش هبكى عليه
مش هو نسى ايامى واحلامى
يبقى انا ليه اعيش مع الجراح
انا هدور على حب تانى
واعيش وياه
ولا انكسر يوم
من قلب باعنى...
حبيت .. حبيت
من بعده كتيرغيره
ولا يوم حسيت بحنانه
كل يوم مع حب جديد
ولا بنسى يوم انى حبيته...
ليه العذاب يا قلبى
مش قلتلى انساه
دور على غيره
وادينى لقيت غيره
مش قادر تنسى ليه...
حبيته.. حبيته
يا ليالى قوليلى سهرى
كان ليه
علشان عذابى يطول
ولا علشان افضل مكسور...
خلاص هننسى ولا زى زمان
لما قولنا نسينا
وكسرنا قلوب بتحبنا
وهجرنا ناس بتحس بينا
وخسرنا عيون بتعزنا...
هو الحب يعنى عذابى
خلاص حبيته ونسيته
ياليالى
ولا هنرجع نفتكره
من تانى ياليالى

هناك 9 تعليقات:

د/اجدع بنوته يقول...

انا متابعه كل قصصك اللى كتبتها قبل كده

وواضح انك انسان اتخان كتير واتجرح اكتر

ربنا معاك ويرزقك ببنت الحلال اللى تعوضك عن كل ده

بنت مصريه يقول...

الله الله الله
قول يا متقال قول
يا سلام عليك يا هيثم بص شوف هيثم بيعمل ايه
اتمنى تنورنى

*سمر* يقول...

كلامك جميل جدا ..
مونتك اجمل ..مبسوطة انى لاقيتها ..
ان شاء الله اتابع تدويناتك ..

والسلا .. ختام

FaceMoon يقول...

انا مش عارفة لية حاسة انها تجربة شخصية لان الكلام جميل اوى وحاسة انه نابع من معاميق معاميقك بس بجد رائع واستمر والى الامام دائما
ودى اول زيارة ليا وان شاء الله مش حتكون الاخيرة
تحياتى ليك

Hossam يقول...

hello
it is really nice words from a nice man
c u
bye bye

monaliza يقول...

اياك والحنين الى حب خائن
الكلمات حلوة جدا ومعبرة عن حالة محسوسة
تقبل مرورى

walaa يقول...

فعلا ساعات القلب يخلينا نحب انسان هو ميستهلش حتى نبصله
متفرتش فى قلب حبك بجد قلب يستاهل الحب ده
تحياتى ولاء

appy يقول...

عارف بسم الله ماشاء الله لسه جايه من عند رودى بنوته مصريه ومنكده عليه برضه
اللهى ميحرمكوش من انكم تنكدوا عليا فى الخيانه والانسحاب والحب المكسور اشد فى شعرى يعنى منكم
ماشى لك يوم اكعبلك فيه
تسلم ايديك بجد وحاول تتخطى المرحله دى بسرعه يا قمر

Desert cat يقول...

هترجع له تانى ان شاء الله
اسالنى انا مش تسال الليالى

بحث مع دليل المدونين المصريين