muah

MyHotComments.com

ابحث معى

16‏/12‏/2009

رثاء

القلب الطيب مات والحنان راح
مرت الايام والذكرى عايشة جوايا
ماهو بعدك مين يمسح دمعى
ولا يسألنى جواك ايه
بعدت عنك كتير وعشت عمرى وحيد
ولا غيرك كان بيرجعنى للحياة
من يوم ما بعدتى عنى والحياة مالهاش وجود
رجعت اعيش تانى وحيد
واهرب من الايام للأحلام
ده
حتى الاحلام مبقلهاش وجود
سبعين يوم فاتت وانا جد وحيد
ماهو فى بعدك ماليش بعدك
................................................
دايما فى وحدتى بدعيلك
واتمنى احققلك حلمك
اللى مشيتى وسبتيه
دايما فى وحدتى فاكرك
واتمنى شفاعة منك يوم الدين
وحيد فى غربتى ولا ليا بعدك حبيب
ماهو القلب الطيب مات
وبعده مين هيطيبلى الجراح
تهت فى غربتى وانا وحيد
ما هى شمس الحنان انطفت
وغاب عنى نورها
ماهو مفيش غير قلبك الطيب يامه
اللى كان بيسقينى الحنان
من بعده الدنيا غربتنى
...................................................
سامحينى يامه على كل لحظة بعاد
كنت غايب وناسى حنية قلبك
اللى معرفتهاش غير بغيابك
سامحينى على عمرى اللى ضيعته
وانا بعيد عنك . قصرت فى حقك
وانتى ما قصرتى وسقتينى تانى من حنانك
فى غيابك يامه الدنيا شمس من غير نور
بحر من غير ميه وعيشة من غير طعم
هيا دى حياتى يامه فى غيابك
سامحينى على كل لحظة بعاد عنك فى حياتك
...............................................................
بدعى كل لحظة لربنا
تكونى فى ظل عرشه
يوم لا ظل الا ظله
رايحة لدار الخلد يامه
فى مكان مفيهوش غدر ولا خيانة
عند اللى خلق الخلق
هو ده عزايا يامه
فى بعادك عنى

هناك 10 تعليقات:

ftafeet يقول...

حلو اوى ياهيثم

البنفسج الحزين يقول...

الله يرحمها رحمه واسعه
شد حيلك يا هيثم
الفراق صعب وخصوصا الأم
بس أنا متأكده انك جدع وقوي
الدنيا مش بتقف بفراقنا للي بنحبهم
ربنا يصبرك ويهئ لك اللي فيه الخير دايما يا ريت تطمني دايما علي أخبارك ...

Unknown يقول...

ftafeet

ياااااااااااااه يافتافيت واحشنى قوى كلامك الحلو فينك ياريت لو تطمنينى عليكى

Unknown يقول...

البنفسج الحزين

شرفتينى يادكتورة فى اول تعليق ليكى

اكيد يادكتورة الدنيا مش بتقف على اى حد لكن اكتر حاجة بتوجع قوى بعد الفراق وخصوصا فراق الام انك تلاقى ل اللى كانوا عاملين انهم بيحبوك مرة واحدة ادولك ضهرهم والضربة تجيلك من اقرب حد ليكى بعد ماراحت الام .

ربنا يسمع منك دعاكى .

اما بالنسبالى انا فاهو ادينى فى الدنيا بحاول ادبر حالى لحد ماطلع بره البلد دى خالص .

ميرسى ليكى قوى يا دكتورة .

Unknown يقول...

البقاء لله ياهيثم وشد حيلك وخليك قوى معلش الفراق صعب بس الايام هداويه وكمان ايمانك بالله

اقصوصه يقول...

الله يرحمها برجمته يا رب

غير معرف يقول...
أزال أحد مشرفي المدونة هذا التعليق.
سندريلا يقول...

ع فكرة كلامك حلو اوي واتمني اكون صديقة لك وياريت الرد

سندريلا يقول...

ممكن ميلك ع الياهو

Unknown يقول...

اولا : مرحبا بيكى سندريلا اخت عزيزة
ثانيا : ميلى على الياهو
hlinkwirless@yahoo.com

بحث مع دليل المدونين المصريين