muah

MyHotComments.com

ابحث معى

15‏/5‏/2008

موالى

البداية كانت بسؤال ( ايه هو الحب ) والاجابة لقيتنى بقولها بإحساسى < الحب عذاب للروح وصفاء للقلب ونقاء للعقل > بس هو( ليه الحب مرتبط بالجرح جوانا ) يمكن علشان جرحه مش زى اى جرح يمكن علشان جرحه قريب قوى وبعدين مفيش حد ( بيحب قوى الا لما بينجرح قوى ) طيب راحت فين المودة وفين التسامح كان زمان الحب فرح فى زمن كانت الناس من جواها الطيبة والحنان دلوقتى فى
< زمن رمش العين > بقى كله جرح والناس بتضيع بيه وقت .
وكان اللى بعده ( انت مين ) وكان جوابى انا اللى تاه بين الايام بيدور على اللى راح منه زمان . كنا زمان تلاته انا والصديق والحبيب .
الصديق غدر وخان والحبيب ضاع فى زحمة الايام وفضلت انا لوحدى ادور بين الايام على ( لمسة حنينة تمسح دمعى وكلمة طيبة تداوى قلبى عشت بين الجراح من جرح لجرح ) وانا بقول إمتى الايام تعود لى باللى راح لكن لا الزمان بيرجع ولا الدمع بيسكت وبيقت انا اللى تايه بين الايام بيدور على اللى راح منه زمان وكتبت موالى يمكن يداوى الجراح .

الحب كان زمان
عشرة وحنان
كان الصديق
والحبيب كمان
الصديق
غدر وخان
ولا عمرى صان
الحبيب
تاه مع الايام
بيدى لغيرى الحنان
وسابنى محتاج للأمان
انكسر القلب
ونزل الدمع
بلون الدم
وقولت اكيد
انا غلطان
سلمت لخاين
ضيع عمرى
فى الاوهام
زمان
كنت انسان
فى الحياه
لكن
القلب مات
والحب ضاع
ومعاه راح
الانسان

هناك 15 تعليقًا:

Empress appy يقول...

الانكسار والاستسلام للوجع صعب دايما لازم نبقى اقوياء علشان منضيعش ادميتنا اللى ربنا اداها لنا

موناليزا يقول...

لا الصديق الخائن ولا الحبيب الضائع يستحقوا الذكرى

Tamer Nabil Moussa يقول...

شوف ياهيثم

الحب شعور واحساس جميل ولسة موجود وهيفضل موجود لانة اساس العلاقة الناجحة بين اى طرفين سواء عاطفى او اخوى او وطنى اى شىء تتخيل

وان حصل اى اختلاف فدة مش قاعدة نمشى عليها دة اختلال فى القاعدة الاساسسية من بعض الافراد

ومهما نشوف مش المفروض نخلى اى حاجة تاثر فينا

ربنا يوفقك

تحياتى

جيهان علي يقول...

السلام عليكم ورحمة الله وبركاته

الحب والوفاء موجود حتى لو قليل لكنه موجود
زي الجوهرة ممكن نتعب شوية للحصول عليها لكنها موجودة
عليها بعض الغبار طافي لمعتها لكنها موجودة

لا تيأس فالحب موجود والصديق موجود
فقط بعض البحث


تحياتي

قلب صغير يقول...

الحبيب الخائن
ميستهلش اي حاجه
مشاعر الانسان حتي لوخرجت لحد ميستاهلش تحترم

علي فكره
موضوع بلا زوارده
انا وخداه تهريج لكن يشرفني طبعا انك تدخلها
وانها يبقي ليها زوار كتير

Soooo يقول...

خبر ايه ياعمنا
لا
كده ازعل
مانت كنت كويس والحياه فل وبنضحك

اقولك على سر
الحب ده اعظم حاجه في الوجود
بس بشرط
ماتفتكرش الجرح ولا الألم اللي بيسببه
افتكر الضحكه
افتكر الفرحه
افتكر اللحظه الحلوه
افتكر كل ده
وهتقول بنفسك
ان الحب ده ولا تورتة شيكولاته بالفواكه الاستوائيه


الا ايه هي الفواكه الاستوائيه دي يابو هيثم؟؟؟؟




سلاموووووووووووز

رندا يقول...

احيانا تكون الظروف اقوى من الحب
فنظلم الحب ونتكلم علية كانة فعل ماضى
ونضعة فى دائرة الا حب
ونتكلم بقوة انة لا موجود وكانة عدم
فالحب صرح شامخ موجود فى كل وقت
فلا تقدم سؤالك للحب بل قدم سؤالك لحال الدنيا
كيف تغيرت وتغير معها قلب عاشق
حب صادق ولكن لم يرسم معة
صورة فرحة على القلب

بوست حزين ولكن كلماتة راقية
ارسم الحب على قلبك فسوف ياتى لك
بلا منازع


دمت اجمل قلب

رندا

GiGi world يقول...

ماشاء الله بجد احساسك جميل يارب يرجع لينا احساسنا لان بجد مابقيناش نحس وغاب عننا الاحساس

شهرزاد يقول...

صديقي هيثم

هأقولك أن ليه الحب مرتبط بالجرح جوانا ؟؟
الحب هو أجمل المشاعر الإنسانية وأكثرها رقة .. فلذلك هو ينبع من أرق عضو في الإنسان وهو قلبه.. والقلوب بيقولوا إنها زي الزجاج.. إن انكسرت لا تحدث صوتا ولكنها تحث ألما وجرح ما بيتنسيش أبدا..

تحياتي لك ولقلمك الجميل
شهرزاد

NIDAAL .R يقول...

الحب كان زمان
عشرة وحنان
كان الصديق
والحبيب كمان
الصديق
غدر وخان
ولا عمرى صان
الحبيب
تاه مع الايام
بيدى لغيرى الحنان
.....
راااااااائعة يا دهشان
بس بينى و بينك انا مش انترستت للحب اوى يعنى .. مش بحب الرومانسية الزايدة
احب واحد + واحد = ثلاثة ههههههههه
و من الاخر الحب بح بح و الهجر صح صح
تحياتى
اوعى يفوتك البوست الجاى
نضال

FaceMoon يقول...

الحب موجود فى كل وقت وطول ما عندنا قلب بينبض حنحب لا يأس مع الحياة ابدا
والحب بيختلف معناة فى كل قصة بنعيشها
لحد ما نقابل قصة تفهمنا معناة الحقيقى
تحياتى وتقديرى

سارة البحر يقول...

جميل بجد اللي كتبته وطريقه تعبيرك
واتكلمت عن واقع موجود جدا ده حتى الحوار اللي فوق يجنن
بجد تحياتي ليك ولابداعك الجميل

صحفية روشة يقول...

شكرا لاضافتك لينك بلوجى

mostafa rayan يقول...

بصي الحب موجود في كل وقت والناس الطيبةالجميلة موجودة في كل وقت وزمان بردة كان في ناس وحشين وزبالة الزبالة كمان
بصي اللي يبيعك بعيه ولاتفكري فيه
لأن اكيد في حد تاني يستحق حبك
واكيد هتلاقيه
تحياتي ليكي

اماني يقول...

thanks شكرا كتير على التعليق الجميل الي بعته ،وعلى فكرة كتاباتك حلوة.

بحث مع دليل المدونين المصريين